Trom mytnikam, jakich sudzili za zdradu dziaržavie, dali hihanckija terminy
Ich abvinavačvali pavodle vaśmi artykułaŭ Kryminalnaha kodeksa, u tym liku ŭ zdradzie dziaržavie, udziele ŭ «ekstremisckim farmavańni» i raspalvańni varožaści, paviedamlaje Dissident.by.
Hałoŭny inśpiektar mytnaj słužby Jaŭhien Hurynovič asudžany da 13,5 hoda pazbaŭleńnia voli, Viktar Novik — da 13 hadoŭ, Uładzimir Žuromski — da 12 hadoŭ. Sud adbyŭsia ŭ 2024 hodzie.
Hurynoviča, Žuromskaha i Novika zatrymali ŭ 2022 hodzie. Padčas zatrymańnia Hurynoviča źbili i surjozna paškodzili jamu śpinu. Paśla hetaha jon doŭhi čas nie moh chadzić, pieramiaščaŭsia ŭ invalidnym kreśle i na mylicach. Z-za mocnych bolaŭ jaho niekalki razoŭ nakiroŭvali ŭ balnicu ŭ Kaladzičach. Bol byŭ nastolki mocny, što Hurynovič padaŭ na padłohu i nie moh samastojna padniacca. Miedyki doŭhi čas admaŭlalisia pryznavać jaho invalidam, ale ŭ vyniku ŭ Mahiloŭskaj balnicy paćvierdzili, što bol maje abjektyŭnyja pryčyny. Hurynovič aficyjna atrymaŭ invalidnaść.
Ciapier jon utrymlivajecca ŭ kałonii № 15. Administracyja prymušaje jaho chadzić na zaradku i na pracu na mylicach.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary