velcom zrabiŭ biaspłatnym trafik dla dadatka, jaki palahčaje žyćcio nieviduščym

Biaspłatnaje mabilny dadatak dla smartfonaŭ «Šturman», raspracavany rezidentam PVT biełaruskaj kampanijaj TAA «Biełchard Dieviełopmient», źviazvaje pamiž saboj vałancioraŭ i słabaviduščych pasrodkam videazvankoŭ. Sieńnia dadatak dastupny dla smartfonaŭ na bazie Android. Nieviduščyja i ludzi, jakija słaba bačać mohuć ŭzajemadziejničać ź interfiejsam prahramy z dapamohaj funkcyi Talkback, aktyvacyja jakoj praduhledžana dla bolšaści Android-smartfonaŭ. Viadziecca taksama praca nad iOS-viersijaj dadatku.

«My ŭśviedamlajem hramadskuju značnaść prajekta Stuurman. Nieviduščyja i ludzi sa słabym zrokam majuć vostruju patrebu ŭ pasłuhach i servisach, jakija dapamahajuć im ŭsprymać vizualnuju infarmacyju, — adznačyŭ načalnik adździeła karparatyŭnych kamunikacyj velcom Viačasłaŭ Śmirnoŭ. — Dla taho, kab skarystacca funkcyjanałam dadzienaha dadatku, nieabchodna padłučeńnie da sietki internet. Adnak jaho košt moža apynucca peŭnym barjeram dla ludziej z parušeńniami zroku. Mienavita tamu my robim ŭvieś internet-trafik, jaki budzie hienieravać Stuurman ŭ sietcy velcom, biaspłatnym dla ŭsich jaho karystalnikaŭ ».

Pryncyp pracy prahramy dosyć prosty. Paśla nacisku knopki «Patelefanavać» na servery farmujecca dynamičnaja čarha ź niekalkich vałancioraŭ, jakija ŭ dadzieny momant znachodziacca anłajn. Pieršy vałancior, jaki adhuknuŭsia, i stanovicca na bližejšy čas svojeasablivym pravadnikom-šturmanam dla nieviduščaha abo čałavieka sa słabym zrokam. Praz kamieru smartfona i vykarystoŭvajučy servis hieałakacyi «šturman» moža dapamahčy jamu zaryjentavacca na miascovaści abo pračytać patrebny nadpis. U dadatku taksama majecca mahčymaść zrabić zdymak, kab možna było razhledzieć što-niebudź bolš detalova — naprykład, tekst, napisany drobnym počyrkam, košt na apłatu kamunalnych pasłuh, list, recept i mnohaje inšaje.

«U paŭsiadzionnym žyćci isnuje šmat situacyj, kali nieviduščym ludziam nieabchodna pračytać nadpis — termin prydatnaści, skład — na jakim-niebudź pradukcie abo leku. Zvyčajna jany spadziajucca na šryft Brajla, ale časta ajčynnyja vytvorcy praduktaŭ i lekaŭ nie vykarystoŭvajuć jaho na svaich ŭpakoŭkach », — tłumačyć Jaŭhien Piatrušyn, zasnavalnik kampanii TAA« Łabaratoryja Inavacyj »(pravajder servisu).

Paśla ździajśnieńnia zvanka nieviduščy moža pastavić acenku akazanaj jamu dapamohi, što dazvolić jamu ŭ dalejšym admovicca ad pasłuh «šturmanaŭ», uzajemadziejańnie ź jakimi prachodzić nie vielmi paśpiachova, i kamunikavać tolki z tymi, čyja dapamoha akazvajecca najbolš plonnaj. Dziakujučy takoj indyvidualnaj sistemie rejtynhu z časam farmujecca koła pravadyroŭ, jakija buduć karysnymi asabista dla jaho. Paskoryć hety praces možna i praz funkcyju «Luby šturman», kudy možna zapisać akaŭnty peŭnych ludziej.

• 0
• 0
• 0
• 0
• 0
• 0
• 0
• 0