Nie samy zvyčajny vypadak zdaryŭsia kala hrodzienskaj načnoj zabaŭlalnaj ustanovy. Ab tym, što zdaryłasia, viadoma sa słovaŭ dziaŭčat-śviedkaŭ, mienavita jany i vyklikali milicyju, paviedamlaje pres-słužba UUS Hrodzienskaha abłvykankama.
Absalutna nieadekvatnyja pavodziny pakazaŭ małady čałaviek z abłasnoha centra. U minułym miesiacy jon adpačyvaŭ u načnym kłubie pa vulicy Pieramohi, kala pałovy na piatuju ranicy vyjšaŭ razam ź siabram na vulicu. Pobač z ustanovaj znachodzicca aŭtobusny prypynak, pad naviesam jakoha siadzieła dziaŭčyna na vyhlad 22—26 hadoŭ. Chłopcy padyšli da nieznajomki i sprabavali zavieści hutarku, adnak paśla taho, jak heta nie atrymałasia, adzin ź ich kinuŭ u tvar dziaŭčynie žmieniu maniet i adyšoŭ. Praź niekalki siekund jon viarnuŭsia, ale ŭžo sa spuščanymi štanami, demanstrujučy svaje hienitalii. Dziaŭčyna zrabiła zaŭvahu chłopcu, na što toj adkazaŭ dvuma ŭdarami nahami ŭ žyvot hramadzianki.
Hetuju situacyju ŭbačyła kampanija inšych maładych ludziej, jakaja prachodziła mima. Jany zastupilisia za paciarpiełuju i supakoili bujana, a paźniej syšli ź miesca incydentu, heta ža zrabiła i źbitaja dziaŭčyna.
Da momantu prybyćcia supracoŭnikaŭ milicyi ŭdałosia vyjavić tolki zavadataja kanfliktu. Dla dačy abjektyŭnaj pravavoj acenki taho, što zdaryłasia, hrodzienskaja milicyja prosić adhuknucca paciarpiełuju dziaŭčynu i chłopcaŭ, što zastupilisia za jaje.
Telefanavać pa telefonie: 586-44-76 (MTS) ci 102.
Ciapier čytajuć
Ad $475 da $3000 za numar. Jak vyhladaje pieršy luksavy hatel Biełarusi FOTY11
Kamientary