Časta ŭ amierykanskich filmach možna ŭbačyć, jak čałaviek u adno imhnieńnie adhaniaje ad siabie złodziejaŭ, dastaŭšy z kišeni pistalet. Ale ŭ Biełarusi zvyčajnyja hramadzianie nie majuć prava nasić z saboj ahniastrelnuju zbroju, tamu dla nas heta nieaktualna.
Ciapier usio čaściej hučyć tema hvałtu, jak chatniaha, tak i na pracy. Jak abaranić siabie, kali niama vybitnych fizičnych zdolnaściaŭ? Što moža dapamahčy ŭ ekstremalnaj situacyi?
Abaračeńnie zbroi ŭ Biełarusi rehuluje Zakon «Ab zbroi». Pavodle jaho, hramadzianie mohuć mieć zbroju, kali jany atrymali adpaviedny dazvoł u orhanach unutranych spraŭ i prajšli nieabchodnuju praceduru rehistracyi.
Adnak isnuje šerah vyklučeńniaŭ, zbroja, jakuju možna mieć i bieź śpiecyjalnaha dazvołu dziaržaŭnych orhanaŭ. Razam ź jurystam Viačasłavam Dryzhałovičam, staršynioj Vyjaznoha traciejskaha suda, my skłali śpis rečaŭ, jakija možna lehalna kupić i mieć pry sabie.
Nož
Zakon dazvalaje mieć pry sabie nažy i padobnyja da ich pradmiety. Adnak važna ŭličvać, što mnohija ź ich ličacca chałodnaj zbrojaj, za našeńnie jakoj praduhledžanaja adkaznaść. Pry nabyćci naža ŭ kramie pavinna vydavacca papiera, dzie paznačana, čamu mienavita hety vyrab nie źjaŭlajecca chałodnaj zbrojaj. Pavodle zakonu, da jaje nie adnosiacca nažy biez vastryja abo tyja, dzie vuhał sychodžańnia laza i tronkaŭ bolšy za 70 hradusaŭ.
Minus vykarystańnia naža dla samaabarony ŭ tym, što nie kožny čałaviek zdolny nanieści im paškodžańni inšamu čałavieku. Zatoje nož dobra padychodzić dla adpužvańnia złačyncaŭ.
Pamiatajcie, nichto nie harantuje, što paśla atrymańnia ranieńnia nažom złačynca nie praciahnie svaje dziejańni. Jašče adzin ślizki momant: byvaje ciažka dakazać, što vykarystańnie naža było sapraŭdy nieabchodnym.
Elektrašokier
Elektrašokiery byvajuć dvuch vidaŭ: kantaktnyja i tyja, što stralajuć. Značna bolš raspaŭsiudžanyja kantaktnyja, jany bolš kampaktnyja i zručnyja ŭ vykarystańni.
Uličvajcie, što pradaviec pavinien mieć siertyfikat, jaki paćviardžaje adpaviednaść zbroi narmatyŭnym aktam. I pamiatajcie, što elektrašokier pracuje ad akumulatara, tamu treba pilna sačyć za ŭzroŭniem zaradu.
Pnieŭmatyka
Ale nie ŭsia. Biełaruskaje zakanadaŭstva dazvalaje vykarystoŭvać pnieŭmatyčnuju zbroju z dulnaj enierhijaj, što nie pieravyšaje 7,5 Dž. Taksama sihnalnyja pistalety i revalviery, kalibr jakich nie bolšy za 6 mm. Pryčym abaviazkova pavinna być zaklučeńnie MUS, pavodle jakoha hetaja zbroja nie moža vykarystoŭvacca ŭ jakaści ahniastrelnaj i hazavaj (hetaj infarmacyjaj pavinien vałodać pradaviec).
Hazavy bałončyk
Adzin z najbolš papularnych srodkaŭ samaabarony, na jaki nie patrabny nijaki dazvoł. U zaležnaści ad rečyva, jakoje ŭ im znachodzicca, prymianieńnie bałončyka moža vyklikać ślozy, kašal, uskładnienaje dychańnie, ale nie naniasie napadniku surjoznaje škody.
Usie bałončyki padzialajucca na aerazolnyja i strujnyja. Pieršyja dobryja tym, što raspylajucca vobłakam, u jakoje mohuć trapić adrazu niekalki napadnikaŭ. Ale ŭ vypadku mocnaha vietru jedkaje rečyva moža akazacca i ŭ vačach taho, chto abaraniajecca. Heta nie ŭłaściva strujnym bałončykam, prymianiać jakija možna i ŭ pamiaškańniach, i pry mocnym vietry.
Pry nabyćci nie zabyvajcie praviarać dakumienty, jakija paćviardžajuć adpaviednaść bałončykaŭ normam Ministerstva achovy zdaroŭja.
Akramia taho, praktyčna luby pradmiet u rukach čałavieka moža dapamahčy abaranicca. Najpierš heta bytavyja pradmiety: adviortki, stamieski, brytvy, budaŭničyja vyraby i inšaje. Adnak zaŭsiody pamiatajcie, što paśla sud budzie razhladać, nakolki apraŭdanymi byli vašy dziejańni.
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary