Alaksandr Łukašenka sustreŭsia z pasłom Kazachstana Jerhali Bulehienavym z pryčyny zaviaršeńnia jaho dypłamatyčnaj misii ŭ Biełarusi, piša BiełTA.
«Pierad aficyjnym vizitam prezidenta Kazachstana ŭ nas dobraje ŭstupleńnie da jaho. Heta ŭžo dobra. Što kiepska — siabry źjazdžajuć. Žyćcio dypłamataŭ takoje, jak i ŭ vajskoŭcaŭ. Adsłužyŭ termin — pajechaŭ na inšuju pracu, na Radzimu, jašče kudyści. My heta razumiejem. Ale jašče raz padkreślivaju: vy dla nas čałaviek nie čužy. Vy rabili vielmi šmat dla taho, kab u nas byli dobryja adnosiny pamiž krainami, vy rabili ŭsio, kab našy narody byli blizkija», — skazaŭ kiraŭnik dziaržavy.
Što datyčycca adnosin z Kazachstanam, Alaksandr Łukašenka adznačyŭ, što heta adna z samych blizkich dla Biełarusi krain.
«My ŭ ekanamičnym sajuzie z vami, u nas niama palityčnych roznahałośsiaŭ, my adnolkava hladzim na paradak dnia mižnarodnych adnosin. Słovam, razychodžańniaŭ u nas niama praktyčna nijakich. I ŭ hetym vialikaja vaša zasłuha - va ŭmacavańni družby pamiž Kazachstanam i Biełaruśsiu», - padkreśliŭ biełaruski kiraŭnik.
«Spadziajusia, što vy nazaŭždy zastanieciesia siabram biełaruskaha naroda, našaj dziaržavy, i dzie b vy ni pracavali nadalej, vy budziecie pamiatać, što častka vašaha žyćcia była pryśviečana Biełarusi», - dadaŭ Alaksandr Łukašenka.
Ciapier čytajuć
Daškievič raskazaŭ, jak trapiŭ za kratami ŭ nizki status i napisaŭ prašeńnie ab pamiłavańni3
Kamientary