Jeŭrapiejskaja kamisija raskryła svoj płan stvareńnia Jeŭrapiejskaha valutnaha fondu, pasady ministra finansaŭ ES i bolš uzhodnienaj finansavaj palityki ź dziaržavami-členami ES. Prapanovy apublikavanyja na sajcie Jeŭrakamisii, pieradaje eurointegration.com.ua.
Jeŭrakamisija prapanavała darožnuju kartu dla pahłybleńnia ekanamičnaha i valutnaha sajuza, u tym liku kankretnyja kroki, jakija nieabchodna zrabić na praciahu nastupnych 18 miesiacaŭ.
U ramkach hetaha pakieta taksama raskryty šerah inicyjatyŭ. Ahulnaja meta — uzmacnić adzinstva, efiektyŭnaść i demakratyčnuju padspravazdačnaść Jeŭrapiejskaha ekanamičnaha i valutnaha sajuza da 2025 hoda.
Darožnaja karta składajecca z čatyroch asnoŭnych inicyjatyŭ:
— prapanova ab stvareńni Jeŭrapiejskaha valutnaha fondu (EMF), jaki budzie dziejničać u ramkach zakanadaŭčaj bazy ES i budzie stvorany na dziejnaj struktury Jeŭrapiejskaha miechanizmu stabilnaści (ESM);
— prapanova intehravać sutnaść Damovy ab stabilnaści, kaardynacyi i kiravańni ŭ pravavyja ramki ES z ulikam naležnaj hnutkaści, zakładzienaj u Pakcie ab stabilnaści i roście;
— dyjałoh ab novych biudžetnych instrumientach dla stabilnaj jeŭrazony ŭ miežach ES, jaki vyznačaje bačańnie taho, jak peŭnyja biudžetnyja funkcyi, nieabchodnyja dla zony jeŭra i ES u cełym, mohuć być raspracavany ŭ ramkach dziaržaŭnych finansaŭ ES;
— dyjałoh ab mahčymaj funkcyi ministra ekanomiki i finansaŭ ES, jaki moža być vice-prezidentam Jeŭrakamisii i ŭznačalić Jeŭrahrupy, ci mahčyma heta ŭ ramkach dziejnych pahadnieńniaŭ ES.
Pieršaja dyskusija adnosna prapanoŭ Jeŭrakamisii adbudziecca na samicie ES 15 śniežnia. Čakajecca, što peŭnyja rašeńni buduć pryniatyja na nastupnym samicie ŭ červieni 2018 hoda.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary