Deputat Dziarždumy Vital Miłonaŭ prapanavaŭ krainam BRIKS, a taksama Biełarusi, Kazachstanu i Kyrhyzstanu bajkatavać Alimpijadu ŭ Pchiončchanie ŭ znak salidarnaści z Rasijaj, pieradaje zaklik deputata RIA «Novosti».
«Prapanuju vam prademanstravać salidarnaść z našaj krainaj i ŭstrymacca ad udziełu ŭ Hulniach u znak salidarnaści, kali ŭdzieł rasijskaj zbornaj budzie niemahčymym», — havorycca ŭ zvarocie Miłonava, kopija tekstu jakoha jość u rasparadžeńni ahienctva.
«My źjaŭlajemsia śviedkami hanieńnia Rasii ŭ MAK. Usie my vydatna razumiejem, što pryčyny hetaha hanieńnia nosiać palityčny charaktar. Na našu krainu akazvajecca biesprecedentny cisk u mnohich śfierach mižnarodnaha supracoŭnictva: amierykana-jeŭrapiejskaja sankcyjnaja palityka prasočvajecca ŭ samyja addalenyja ad palityki śfiery.
Našy krainy, kožnaja pa-svojmu, sutykalisia z prajavaj paŭnočnaatłantyčnaha impieryjalizmu. ZŠA i ich satelity ŭ rozny čas akazvali na našy krainy palityčny cisk i ekanamičny šantaž. Siońnia pad prycełam Dziadźki Sema apynułasia Rasieja. Ale chto daść harantyju, što, naprykład, zaŭtra pad mołat ekanamičnych apietytaŭ Zachadu nie patrapić vaša siamja i vaš nacyjanalny honar?» — zajaviŭ Miłonaŭ.
Nahadajem, što Mižnarodny alimpijski kamitet (MAK) adchiliŭ kamandu Rasii ad udziełu ŭ Alimpijadzie. Heta reakcyja na vyjaŭlenyja fakty sistematyčnaha ŭžyvańnia dopinhu rasijskimi spartoŭcami, jakoje było arhanizavanaje na dziaržaŭnym uzroŭni, pad kantrolem śpiecsłužbaŭ. Prabirki z analizami mačy padmianiali ahienty FSB. Usio rabiłasia dla taho, kab zabiaśpiečyć pieramohi rasijan na Alimpijadzie ŭ Sočy. Paśla taho jak stali tajamniča pamirać rasijskija čynoŭniki, jakija viedali pra hetyja apieracyi, niekalki supracoŭnikaŭ rasijskaha spartovaha viedamstva ŭciakli za miažu i pieradali najaŭnyja ŭ ich dakumienty ŭ ŚMI. Heta vyklikała mižnarodny skandał, jaki MAK nie moh praihnaravać.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy26
Kamientary