Na miescy halerei «Ŭ» adkryvajecca bar «Picier» z vyjavami Pucina i Kaciaryny II na ścienach

U centry Minska, pa adrasie praśpiekt Niezaležnaści, 37a, adkryvajecca bar «Picier». Raniej na hetym miescy raźmiaščalisia halereja «Ŭ» i adnajmienny bar. Budynak naležyć sietcy zapravak A-100 i chutka moža pajści pad znos. Adnak znajšlisia ludzi, jakija na niadoŭhi čas advažylisia adkryć novaje miesca.

Karystalnik fejsbuka Ihar Korzun zaŭvažyŭ, što ŭ interjery novaha bara prysutničaje vyjava Uładzimira Pucina i impieratrycy Kaciaryny II. «Niekatoryja detali mianie prosta ździvili, heta zamiest ikony, kab ruka nie dryžeła ci budzie jašče freska ź likam?» — napisaŭ Ihar Korzun.

My źviazalisia z ułaśnikam bara «Picier» Arciomam Muzinym, kab jon raspavioŭ pra kancepcyju ŭstanovy. Muzin viadomy tym, što na niadoŭhi čas adkryvaŭ u Minsku bar «Tutejšyja» z vyjavami nacyjanalnych piśmieńnikaŭ — Janka Kupałam, Jakubam Kołasam, Uładzimiram Karatkievičam, Maksimam Bahdanovičam.

Pavialičyć

«Pucin ničoha nie simvalizuje. Prosta śmiešnyja malunki. Nijakaj simvoliki, pryviazki da palityčnych padziejaŭ tut niama. Prosta ŭ nas bar nazyvajecca «Picier». Tam i Kaciaryna II namalavanaja, i što? Dyjałoh pamiž Pucinym i Kaciarynaj adbyvajecca pra bułku i šaviermu. Heta takija typovyja picierskija słovy. Nijakaj palityki niama absalutna. Heta navat nie karykatura, nie kpin ź ich, a prosta karcinka. Pamiž imi navat most jość — heta takoje złučeńnie pamiž minułym i sučasnaściu.

Picier — heta nie horad. Jość Sankt-Pieciarburh, byŭ Leninhrad. Moj bar tak nazvany ŭ honar duchu, duchu tvorčaści. Dla mianie Picier — heta duch tvorčaści. Mnohija tvorčyja ludzi, kštałtu hurtoŭ DDT, «Jupicier», na pytańnie «Dzie vy tvaryli?» adkazvajuć: «U Piciery» — «A dzie naradzilisia?» — «U Leninhradzie».

Ja nie dumaju, što vyjava Pucina — heta pravakacyjna, bo pravakacyja dla kaho? Ja niejtralna da jaho staŭlusia. Niechta ŭ svoj čas, moža, nie lubiŭ Kaciarynu II taksama ci, naadvarot, praźmierna lubiŭ.

Ja ž nie maju prava, znachodziačysia ŭ Biełarusi, malavać na ściency partrety našaha prezidenta. Dla biełaruskich hierojaŭ u nas byŭ bar «Tutejšyja». Ja cudoŭna viedaju ŭsich biełaruskich hierojaŭ.

Ja płanuju zaprašać u «Picier» muzykaŭ na vystupy. Nie viedaju, ci zhodzicca toj ža Lavon Volski vystupać praz nazvu «Picier». Ja nie ŭpeŭnieny ŭ hetym. Chacia mnie b hetaha vielmi chaciełasia. Bo dla mianie Lavon Volski — muzyka №1 u Biełarusi».

***

Na telehram-kanał «Našaj Nivy» možna padpisacca tut.

• 0
• 0
• 0
• 0
• 0
• 0
• 0
• 0