Stan zdaroŭja mastaka i paeta Michała Aniempadystava zastajecca ciažki. Pra heta paviedamili «Našaj Nivy» siabry siamji.
paviedamlajecca, što ŭ noč na 23 studzienia Michał zasnuŭ za kampjutaram. Akazałasia — insult. Jaho dastavili ŭ balnicu.
Michał Aniempadystaŭ — mastak, dyzajnier i paet. Tysiačy ludziej zyčać jamu vyzdaraŭleńnia. Jahonyja vieršy, praśpiavanyja ŭ Narodnym albomie i «Novym niebam», stali narodnymi, ulubionymi.
Voś jak hetaja — hienijalnyja «Prostyja słovy»:
Prostyja słovy,
prostyja rečy:
chleb na stale,
połymia ŭ piečy.
Heta tak prosta,
heta tak dobra,
jak z hałavoju
zaleźci pad koŭdru.
Prostyja słovy, prostyja rečy.
Pryciemkam sinim,
zimovaj paroju
ŭ domie baćkoŭskim
usio tak znajoma.
Jość čym sahrecca,
jość dzie schavacca
ŭ domie baćkoŭskim,
u matčynaj chacie.
Prostyja słovy, prostyja rečy
Usio tak nadziejna,
usio tak hruntoŭna.
Što tut dadać?
Chiba što ničoha
Možna žyć dalej,
dzień pryjdzie novy.
Dabranač, panienki!
Dabranač, panovie!
Prostyja słovy, prostyja rečy
Z archiva: Michał Aniempadystaŭ u intervju «NN» — pra 1990-ja, lubimy koler biełarusaŭ i pryhažość
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary