Novyja pahraničnyja zastavy źjaviacca ŭ jeŭrapiejskim kirunku, ale nie na miažy z Rasijaj
Dziaržaŭnaje ahienctva BiełTA pryvodzić słovy kiraŭnika Pahraničnaha kamiteta Anatola Łapo paśla jahonaha dakładu Alaksandru Łukašenku.
«Z Rasijaj padpisanaja prahrama ŭładkavańnia dziaržaŭnych hranic na 5 hod, jakaja praduhledžvaje ŭ tym liku budaŭnictva zastavaŭ, miežaŭ achovy.
A rabotu ź ES treba ŭzmacniać. Kab našyja partniory viedali, što my taksama abaraniajem ichnija miežy. Taja ž samaja nielehalnaja mihracyja ŭ nas nie zastajecca — jana idzie ŭ krainy Uschodniaj Jeŭropy. Treba sumiesna z hetym złom zmahacca», — skazaŭ Łapo.
Ci varta interpretavać jahonyja słovy jak anons źjaŭleńnia zastavaŭ na ŭschodnim kirunku, na miažy z Rasijaj?
Nasamreč nie, Łapo mieŭ na ŭvazie inšaje — jon spasyłajecca na dakumient ab udaskanaleńni pahraničnaj biaśpieki Sajuznaj dziaržavy na 2017-2021 hady.
Jak patłumačyli «Našaj Nivie» ŭ pahraničnym viedamstvie, hety dakumient praduhledžvaje źjaŭleńnie zastavaŭ tolki na «ahulnaj hranicy Sajuznaj dziaržavy», heta značyć na miažy z Polščaj, Litvoj, Łatvijaj i Ukrainaj.
Zastavy i miežy achovy na hranicy z Rasijaj nie praduhledžanyja.
Raźviedka ZŠA: Biełaruś stała pieradavym vajskovym płacdarmam Rasii24
Kamientary