Natchnieńnie: instahram mahiloŭki ź luboŭju da architektury i pacukoŭ
Štotydzień my dzielimsia z vami tałkovymi profilami. Dla natchnieńnia i nie tolki.
Janina Asipcova rodam z Mahilova, ale siońnia vučycca ŭ Łodzi i płanuje stać sistemnym administrataram.
Janina Asipcova.
U volny čas starajecca vandravać, vyvučać śviet Marvel i rep-batłaŭ, pieryjadyčna piša vieršy. Jaje profil budzie cikavy ŭsim, chto nieabyjakavy da dobrych kaviarniaŭ, stryt-artu, pacukoŭ i, kaniešnie, biełaruskaj movy.
Viedaješ,baleć budzie. Tamu što nie ŭsio adno, tamu što ty žyvy čałaviek. Ale toje,što tyčycca nie tolki nas,zaležyć užo nie tolki ad našaha chaču. Tvajo ciabie znojdzie,ale nie abaviazkova hetaje "tvajo" toje,pra što ty zaraz dumaješ. Ludzi robiać baluča,my sami sabie robim baluča. My dakarajem siabie,što prosta niešta było nie ŭ čas,što mahło być inakš. A viedaješ, nie mahło. Usio tak,iak musić być ci nie musić być, niezaležna vieryš ty ŭ los ci nie. I heta taksama baluča. I tak prosta adpuścić nielha. Ty nie pračniešsia ranicaj adnojčy zabyŭšysia. Tak pamiać nie pracuje. Ty budzieš škadavać,uzhadvać,škadavać,maryć. Źniščać siabie,pakul adnojčy tuju siabie nie źniščyš. Čas nie lečyć. My sami lečymsia. Čas - prydumanaja čałaviekam miera. Nie bolš. Hučyć zusim nie aptymistyčna,tak? I mnie baleła i balić, i budzie baleć. I ja časam pračynałasia z dumkaju,dzie znajści siły. Ale ž žyvu. I biez adnaho,i biez druhoha,i biez treciaha. I jany žyvuć bieź mianie. Ščaśliva,ia spadziajusia. I ja žadaju im ščaścia. Usim. A kožny raz balić,iak pieršy. I budzie. I ty zmožaš heta pieramahčy,ia viedaju.
Publikacija ot Jania Asipcova (@janine_magdalen)
xxx Niavyspany pacałunak Smaku haračaj kavy Svoječasova nahadvaje nam štodnia Pra ščaście. Ja zabłytałasia ŭ tabie, jak pavucinie Sama, Bo chacieła być pobač. Što było da ciabie – koma, Isnavańnie ŭ prastory atočanaj šerymi ścienami. Tvoj šept dla mianie niby leki: Abaviazkova prymać nutravienna, Abaviazkova prymać na štodzień, Bo kachańnie nie maje paznaki Pra termin prydatnaści, Bo pakul jano jość, Jano bolšaje za biaskoncaść. I niachaj daviadziecca prajści šlachami Praź piekła, Ja ciabie nie addam, Navat koštam svajho žyćcia
Publikacija ot Jania Asipcova (@janine_magdalen)
Kamientary