9 lutaha sud vynies prysud byłomu hienieralnamu dyrektaru Bankaŭskaha pracesinhavaha centra, jakoha abvinavačvali ŭ atrymańni chabaru ŭ asabliva bujnym pamiery. Pra heta paviedamiła aficyjny pradstaŭnik Viarchoŭnaha suda Julija Laskova.
Hienadzia Zubarava pryznali vinavatym «u pryniaćci słužbovaj asobaj dla siabie materyjalnych kaštoŭnaściaŭ, vyklučna ŭ suviazi z zajmanym im słužbovym stanoviščam, za spryjalnaje vyrašeńnie pytańniaŭ, jakija ŭvachodziać u jaho kampietencyju, vykanańnie ŭ intaresach taho, chto daŭ chabar, jakich-niebudź dziejańniaŭ, jakija heta asoba mahła ździejśnić z vykarystańniem svaich słužbovych paŭnamoctvaŭ, učynienych paŭtorna, u asabliva bujnym pamiery». Jamu pryznačana pakarańnie ŭ vyhladzie pazbaŭleńnia voli na termin 5 hadoŭ z kanfiskacyjaj usioj majomaści.
Jon taksama pryznany vinavatym u zavałodańni majomaściu, učynienym słužbovaj asobaj z vykarystańniem svaich słužbovych paŭnamoctvaŭ, u asabliva bujnym pamiery. Jamu pryznačana pakarańnie ŭ vyhladzie pazbaŭleńnia voli terminam na 5 hadoŭ 6 miesiacaŭ z kanfiskacyjaj usioj majomaści.
Pa sukupnaści złačynstvaŭ, šlacham častkovaha składańnia pryznačanych pakarańniaŭ Zubaraŭ prysudžany da pazbaŭleńnia voli terminam na 6 hadoŭ z kanfiskacyjaj usioj majomaści, z pazbaŭleńniem prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, na termin piać hadoŭ z adbyvańniem pakarańnia ŭ papraŭčaj kałonii va ŭmovach ŭzmocnienaha režymu.
Sud taksama vynies prysud druhomu fihurantu spravy — hramadzianinu Łatvii. Jon pryznany vinavatym u davańni chabaru ŭ bujnym pamiery, jamu pryznačana pakarańnie ŭ vyhladzie pazbaŭleńnia voli na termin 2 hady z adbyvańniem pakarańnia ŭ papraŭčaj kałonii va ŭmovach ŭzmocnienaha režymu.
Prysud u zakonnuju siłu nie ŭstupiŭ i moža być abskardžany i apratestavany va ŭstanoŭlenym zakonam paradku.
Kamientary