Rasijskija najmity byli abstralanyja ŭ Siryi siłami mižnarodnaj kaalicyi padčas nastupu na naftapierapracoŭčy zavod. Jak raspaviała ananimnaja krynica «Kommiersanta», rasijskaje kamandavańnie ŭ Siryi nie davała dazvołu na hetuju apieracyju i rascaniła jaje jak «niebiaśpiečnuju samadziejnaść».
Apieracyja pravodziłasia pa inicyjatyvie miascovych «bujnych pradprymalnikaŭ, jakija padtrymlivajuć [prezidenta Siryi] Bašara Asada», raspavioŭ surazmoŭca haziety. U atradzie rasiejskaj pryvatnaj vajennaj kampanii «Vahnier» naličvałasia kala 600 čałaviek, bolšaść ź jakich byli ruskamoŭnymi.
Krynica «Kommiersanta» aceńvaje straty siarod rasiejcaŭ u 11 čałaviek. Vydańnie adznačaje, što Minabarony naohuł nie raspaviało pra zabitych rasiejcaŭ, bo jany źjaŭlalisia dobraachvotnikami, tamu ŭ paviedamleńniach viedamstva zhadanyja tolki paciarpiełyja siarod siryjcaŭ.
Publikacyi pra «sotni zahinułych» — heta kłasičnaja dezynfarmacyja, jakoj zajmajucca zachodnija ŚMI, skazali «Kommiersantu» ŭ MZS RF: «Ciapier praviarajem infarmacyju ab najaŭnaści paciarpiełych, uklučajučy hramadzian SND. Kali źjaviacca paćvierdžańni, abaviazkova pra ich paviedamim».
Rasijskija najmity patrapili pad abstreł 7 lutaha ŭ siryjskaj pravincyi Dejr-ez-Zor. Mižnarodnaja kaalicyja naniesła ŭdar dla padtrymki svaich sajuźnikaŭ z «siryjskich demakratyčnych sił».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary