Trenieram Biełarusi pavinna być soramna za stan futboła ŭ krainie. Pra heta zajaviŭ siońnia Alaksandr Łukašenka, zasłuchoŭvajučy dakład pa pytańniach padrychtoŭki trenierskich kadraŭ i raźvićcia dziciača-junackaha futboła.
«Ja prosta chaču pabudavać našu hutarku z pytańnia, ci soramna vam za toj stan futboła, jaki my siońnia majem u krainie. Napeŭna, pavinna być soramna», — skazaŭ Alaksandr Łukašenka.
Kiraŭnik krainy źviarnuŭ uvahu, što dziaržava robić usio dla raźvićcia hetaha vidu sportu. Kuryruje hety napramak kiraŭnik najlepšaha ŭ krainie banka, jaki paśpiachova realizuje samyja roznyja prajekty. «Adzin prajekt, pravaleny im, — heta futboł. A vy dzie byli? Jon ža, hruba kažučy, u vas «dach» — padstrachavać, arhanizavać, jašče niešta. A vyrašać prablemy jość kamu», — miarkuje kiraŭnik dziaržavy.
Alaksandr Łukašenka zaŭvažyŭ, što niaŭdała vystupaje nie tolki asnoŭnaja družyna Biełarusi, ale i moładzievyja zbornyja. «Usiudy pravał. Samy masavy, samy lubimy vid sportu, dla jakoha, pa vialikim rachunku, kab navučycca hulać, ničoha nie treba», — kanstatavaŭ jon.
Akramia taho, nieabchodna rearhanizavać Biełaruskuju fiederacyju futboła, dadaŭ kiraŭnik dziaržavy. «Treba znajści tałkovych ludziej, stvaryć dobruju fiederacyju, jakaja budzie dapamahać, kantralavać, padtrymlivać, i ŭziać na kantrol trenieraŭ», — pastaviŭ zadaču jon.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali22
Kamientary