Sustreča asnoŭnaj hrupy Miunchienskaj kanfierencyi pa biaśpiecy moža prajści ŭ kastryčniku ŭ Biełarusi. Pra heta zajaviŭ ministr zamiežnych spraŭ respubliki Uładzimir Makiej u intervju biełaruskamu telekanału STB.
«Sapraŭdy, spadar Išynhier [Volfhanh Išynhier, staršynia Miunchienskaj kanfierencyi pa biaśpiecy] i jaho sakrataryjat prapanavali pravieści ŭ Biełarusi ŭ kastryčniku hetaha hoda sustreču tak zvanaj asnoŭnaj hrupy Miunchienskaj kanfierencyi pa biaśpiecy», — skazaŭ Makiej.
Ministr padkreśliŭ, što Biełaruś siońnia toje miesca, dzie možna sabrać ludziej z roznych kanfliktujučych rehijonaŭ.
«Ja pierakanany: hetaja sustreča, kali jana adbudziecca na biełaruskaj ziamli, taksama zrobić svoj uniosak u źnižeńnie napružanaści, kanfrantacyi, jakija siońnia, na žal, prysutničajuć u našym rehijonie», — adznačyŭ kiraŭnik MZS.
Makiej rastłumačyŭ, što sustreča asnoŭnaj hrupy Miunchienskaj kanfierencyi pa biaśpiecy ŭjaŭlaje saboj schod kiraŭnikoŭ, palitykaŭ, palityčnych dziejačaŭ, dziaržaŭnych dziejačaŭ u zakrytym farmacie.
«Kala 70—80 čałaviek, jakija źbirajucca i abmiarkoŭvajuć aktualnyja prablemy, jakija chvalujuć ciapier», — dadaŭ jon.
Kamientary