Prakuraturaj Mahiloŭskaj vobłaści nakiravana ŭ sud kryminalnaja sprava pa abvinavačańni žycharki Babrujska 1986 hoda naradžeńnia ŭ nabyćci, zachoŭvańni i zbycie mietadonu, paviedamlaje BiełTA.

Babrujčanka na praciahu dnia čatyry razy pradała asabliva niebiaśpiečny narkatyčny srodak. U vyniku pamior adzin z žycharoŭ Asipovičaŭ 1987 hoda naradžeńnia, jaki śpiecyjalna pryjechaŭ u Babrujsk za mietadonam. Akramia taho, žančyna davała pakupnikam narkatyčnaha srodku pamiaškańnie dla jaho ŭžyvańnia. U dačynieńni da abvinavačanaj abranaja miera strymańnia ŭ vyhladzie zaklučeńnia pad vartu. Jaje dziejańni kvalifikavanyja pa niekalkich častkach st.332 i st.328 KK. Za ŭčynieńnie najbolš ciažkaha z vyšejzhadanych złačynstvaŭ (č.5 st.328 KK) praduhledžana pakarańnie ŭ vyhladzie pazbaŭleńnia voli na termin ad 12 da 25 hadoŭ.
Kamientary