U Breście padali zajaŭku na praviadzieńnie 25 sakavika mitynhu i vuličnaha festu ŭ centry horadu z kancertam, placoŭkami ramieśnikaŭ, majstar-klasami i fatazonami, piša Radyjo Svaboda.
U arhkamitet pa ŭšanavańni 100-hodździa abviaščeńnia Biełaruskaj Narodnaj Respubliki ŭvachodziać 16 subjektaŭ: struktury palityčnych partyj, hramadzkija arhanizacyi, valanterskija inicyjatyvy i miascovyja biznesoŭcy.
Jak apavioŭ kiraŭnik abłasnoj arhanizacyi partyi BNF Źmicier Šymanski, jaki ad imia arhkamitetu padavaŭ zajaŭku na praviadzieńnie festu, «śviata budzie cikavaj i zapaminalnaj padziejaj dla bieraściejcaŭ».
«Kruhłaja data, 100 hod z dnia abviaščeńnia niezaležnaści Biełarusi nastrojvaje na śviatočny ład. I my rychtujem sapraŭdnaje śviata — kancert, rozyhryšy pryzoŭ ad našych partneraŭ, znajomstva ź biełaruskimi ramieśnikami i hramadzkimi arhanizacyjami, mora pazytyvu i śviatočnaj symboliki, — paviedamiŭ spadar Šymanski.
Kamientary