Surviła: Ja spačuvaju zatrymanym, ale nie varta z-za hetaha zryvać śviatkavańnie

Zatrymańni palitykaŭ i aktyvistaŭ, jakija zaklikali ludziej 25 sakavika na nie ŭchvalenaje ŭładami vuličnaje šeście, nie pavinna stać pryčynaj admieny mitynhu i kancertu la Opiernaha teatra. Takoje mierkavańnie ŭ intervju Jeŭraradyjo vykazała staršynia Rady BNR Ivonka Surviła.
«Ja vielmi spačuvaju spadaru Niaklajevu, Siŭčyku, Viniarskamu, što ich aryštavali. Vielmi škaduju, što heta zdaryłasia. Ale ja była b vielmi suprać taho, kab zryvać śviatkavańnie z hetaj nahody. Ja chaču, kab naš narod adznačyŭ śviata absalutna prystojna i pryhoža. I dziela hetaha, mahčyma, treba paciarpieć hetyja achviary. Pieradaju im pryvitańnie, vielmi ich lublu, vielmi cudoŭnyja ludzi. Vielmi škaduju, što jany nie buduć u hety dzień na voli», — skazała Ivonka Surviła.
Kamientary