Uśled za vydvareńniem 60 amierykanskich dypłamataŭ Rasija vyrašyła vysłać dziasiatki dypłamataŭ z krain Jeŭrasajuza i jašče niekalkich dziaržaŭ, jakija raniej sami vysłali rasijskich dypłamataŭ na fonie skandału vakoł atručvańnia ŭ Brytanii Siarhieja Skrypala i jaho dački.
Rasijskaje ministerstva zamiežnych spraŭ u piatnicu vyklikała pasłoŭ krain, jakija vysłali rasijskich dypłamataŭ, uručyła im notu pratestu i abviaściła pra ŭviadzieńni anałahičnych mier u adkaz.
U pryvatnaści, pa słovach samich pasłoŭ, Rasija vysyłaje čatyroch polskich dypłamataŭ, troch litoŭskich, dvuch italjanskich, dvuch niderłandskich, adnaho łatvijskaha, adnaho estonskaha i adnaho finskaha. Usie hetyja krainy raniej vysłali dakładna takuju ž kolkaść rasijskich dypłamatyčnych rabotnikaŭ.
Niekatoryja pasły nie stali kazać, kolki ich dypłamataŭ viernucca na radzimu. U pryvatnaści, tak pastupiŭ pasoł Niamieččyny — jon skazaŭ tolki, što Bierlin hatovy da dyjałohu z Rasijaj. Sama Hiermanija vysłała čatyroch rasijskich dypłamataŭ.
Pasły Charvatyi, Šviecyi, Aŭstralii i Kanady pakinuli rasijskaje pasolstva, admoviŭšysia davać kamientary ŚMI. Za ŭsio jany vysłali ŭ ahulnaj składanaści vosiem rasijskich dypłamataŭ (čaćviarych — Kanada, dvaich — Aŭstralija, pa adnym — Charvatyja i Šviecyja).
Vysyłka dypłamataŭ nie maje na ŭvazie skaračeńnia ahulnaj kolkaści piersanału dypłamatyčnych misij: supracoŭnikaŭ, abvieščanych piersonami non-hrata, možna zamianić inšymi. Adzinaje na dadzieny momant patrabavańnie mienavita skaracić štat svaich supracoŭnikaŭ było zajaŭlena Rasijaj u adras Brytanii.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary