Staršynia Kanservatyŭna‑Chryścijanskaj partyi BNF Zianon Paźniak ličyć, što prypyniŭšy sankcyi suprać Biełarusi, Rada ministraŭ ES pryniała pravilnaje rašeńnie. «Sankcyi zahaniajuć namenklaturu ŭ Rasieju. Nam heta niavyhadna», — miarkuje jon.
Staršynia Kanservatyŭna‑Chryścijanskaj partyi BNF Zianon Paźniak ličyć, što prypyniŭšy sankcyi suprać Biełarusi, Rada ministraŭ ES pryniała pravilnaje rašeńnie.
Z. Paźniak: Heta pravilnaje rašeńnie. Apošnija hady, paśla 2004 hodu, sustrakajučysia z eŭraparlamentarami, ja zaŭsiody im kazaŭ, kab jany paspryjali Biełarusi, kab hetyja sankcyi admianili. Heta było absalutna niedarečnaje rašeńnie.
Sankcyi zahaniajuć namenklaturu ŭ Rasieju. Nam heta niavyhadna.Hetaje rašeńnie ničoha, aprača škody, nie pryniesła.
Pavodle Paźniaka, nastupnymi krokami Eŭrasajuzu pavinna być admiena ekanamičnych sankcyjaŭ i spraščeńnie pracedury atrymańnia šenhienskich vizaŭ dla hramadzianaŭ Biełarusi.
Z. Paźniak: Narod tut absalutna nievinavaty, jon absalutna ni pry čym. Tym časam ES vybudavaŭ «žaleznuju zasłonu»: vielmi darahija vizy dla biełarusaŭ, ich vielmi ciažka atrymać. Paru tydniaŭ tamu ja byŭ na biełaruska‑litoŭskaj miažy j bačyŭ hety žalezny płot — heta 900 km i EZ heta finansuje. Takoha nia było navat pry Savieckim Cajuzie. Uvohule ŭsia hetaja
demakratyja j pravy čałavieka, pra jakija kaža Eŭrasajuz — u hetaj demakratyi niama miesca dla biełaruskaha narodu. Nastupnaja zadača — znajści hetaje miesca.Biełaruskamu narodu treba jaho kultura, niezaležnaść, mova, spadčyna. U toj čas, kali ŭsio heta vyniščajecca režymam, pra heta ni hučyć ani słova.
Zianon Paźniak nie spadziajecca, što admiena sankcyjaŭ suprać čynoŭnikaŭ pryniasie imhnienny vynik, ale, pavodle jaho, heta moža paspryjać źmienie intaresaŭ kiroŭnaj namenklatury, bolš ščylnaj supracy z Eŭropaj. «Čym bolš budzie kantaktaŭ z Eŭropaj, tym mienš my budziem zaležnyja ad Maskvy» — ličyć palityk.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary