Bieraściejec Mašenski ŭznačaliŭ śpis samych paśpiachovych biznesoŭcaŭ krainy, abahnaŭšy «tankista» Kisłaha

Sajt ej.by apublikavaŭ svoj tradycyjny rejtynh samych upłyvovych i paśpiachovych biznesoŭcaŭ. Vydańnie zajmajecca składańniem takich śpisaŭ ad 2007 hoda. Jak adznačaje «Ježiednievnik», prajekt najpierš maje «aśvietnickuju metu».

«Z adnaho boku jon spryjaje paznavalnaści piersony, pavyšeńniu łajalnaści nasielnictva da pryvatnaha biźniesu ŭ cełym, z druhoha — słužyć krynicaj infarmacyi dla patencyjalnych partnioraŭ i inviestaraŭ, jakija źbirajucca realizoŭvać prajekty ŭ Biełarusi», — havorycca va ŭstupie.

Pavialičyć

Pieršaje miesca sioleta zaniaŭ ułaśnik «Santa-Bremar» i «Savuškavaha pradukta» Alaksandr Mašenski. Vidać, heta źviazana z prybližanaściu Mašenskaha da Alaksandra Łukašenki.

Papiarednija dva hady na vierchnim radku byŭ stvaralnik hulni «Śviet tankaŭ» Viktar Kisły, jakoha nie tak daŭno nazvali pieršym biełaruskim dalaravym miljarderam, adnak sioleta Kisły akazaŭsia tolki na čaćviortym radku. Jahony kolišni kampańjon Alaksandr Michnievič, jaki ciapier žyvie na Kipry i raźvitaŭsia z «Tankami», na siomym miescy.

Druhoje miesca ŭ jašče adnaho biznesoŭca sa śfiery IT, havorka pra staršyniu Rady dyrektaraŭ EPAM Systems Inc Arkadź Dobkin, jon uskačyŭ z šostaha miesca letaś.

I ŭrešcie zamykaje lidzirujučuju trojku miljanier Pavieł Tapuzidzis, ułaśnik kampanii «Tytuń-inviest». Tapuzidisu naležyć sietka kramaŭ «Karona».

Na piatym radku mienš raskručanaja miedyjnaja asoba — heta Alaksandr Łucenka, biznes jakoha zarehistravany ŭ Luksiemburhu. Heta pastaŭščyk praduktaŭ dla žyviołahadoŭli.

Tolki na šostaj pazicyi samy paśpiachovy «naftavik» — heta dyrektar «Enierha-Oił» Alaksandr Alesin. Padobna, što samyja vialikija hrošy ciapier robiacca ŭ inšych śfierach, a nie enierhanośbitach.

Vośmy Alaksandr Cencier, uładalnik sietki zapravak «A-100». Adzin ź pieršych biznesoŭcaŭ, jaki vyrašyŭ biełarusizavać svaju spravu, chaj i nie zusim atrymałasia, ale impuls hramadstva ŭłaviła.

I zamykajuć dziasiatku tajamničyja ŭłaśniki «Jeŭraopta» Siarhiej Litvin i Uładzimir Vasilka, ich biznes zarehistravany ŭ kniastvie Manaka.

Dalej iduć biznesoŭcy, jakija nie tak daŭno mieli prablemy z pravaachoŭnaj sistemaj: Jaŭhien Baskin (№11, mahiloŭski «Siervaluks»), IT-šnik Viktar Prakapienia (№12) i hrodzieniec Valancin Bajko (№13).

Źviartaje na siabie ŭvahu padzieńnie kolišniaha favaryta Alaksandra Łukašenki Alaksandra Šakucina. Uładalnik «Amkadora» ŭpaŭ z vośmaha radka na piatnaccaty.

Zatoje ŭłaśnik «Trajpła» Juryj Čyž znoŭ pačynaje ŭzdymacca na vierchnija pazicyi, u hetym rejtynhu jon zaniaŭ 26-aje miesca.

• 0
• 0
• 0
• 0
• 0
• 0
• 0
• 0