Эканоміка77

Берасцеец Машэнскі ўзначаліў спіс самых паспяховых бізнэсоўцаў краіны, абагнаўшы «танкіста» Кіслага

Сайт ej.by апублікаваў свой традыцыйны рэйтынг самых уплывовых і паспяховых бізнэсоўцаў. Выданне займаецца складаннем такіх спісаў ад 2007 года. Як адзначае «Ежедневнік», праект найперш мае «асветніцкую мэту».

«З аднаго боку ён спрыяе пазнавальнасці персоны, павышэнню лаяльнасці насельніцтва да прыватнага бізнесу ў цэлым, з другога — служыць крыніцай інфармацыі для патэнцыяльных партнёраў і інвестараў, якія збіраюцца рэалізоўваць праекты ў Беларусі», — гаворыцца ва ўступе.

Першае месца сёлета заняў уласнік «Санта-Брэмар» і «Савушкавага прадукта» Аляксандр Машэнскі. Відаць, гэта звязана з прыбліжанасцю Машэнскага да Аляксандра Лукашэнкі.

Папярэднія два гады на верхнім радку быў стваральнік гульні «Свет танкаў» Віктар Кіслы, якога не так даўно назвалі першым беларускім даляравым мільярдэрам, аднак сёлета Кіслы аказаўся толькі на чацвёртым радку. Ягоны колішні кампаньён Аляксандр Міхневіч, які цяпер жыве на Кіпры і развітаўся з «Танкамі», на сёмым месцы.

Другое месца ў яшчэ аднаго бізнэсоўца са сферы ІТ, гаворка пра старшыню Рады дырэктараў EPAM Systems Inc Аркадзь Добкін, ён ускачыў з шостага месца летась.

І ўрэшце замыкае лідзіруючую тройку мільянер Павел Тапузідзіс, уласнік кампаніі «Тытунь-інвест». Тапузідісу належыць сетка крамаў «Карона».

На пятым радку менш раскручаная медыйная асоба — гэта Аляксандр Луцэнка, бізнэс якога зарэгістраваны ў Люксембургу. Гэта пастаўшчык прадуктаў для жывёлагадоўлі.

Толькі на шостай пазіцыі самы паспяховы «нафтавік» — гэта дырэктар «Энерга-Оіл» Аляксандр Алесін. Падобна, што самыя вялікія грошы цяпер робяцца ў іншых сферах, а не энерганосьбітах.

Восьмы Аляксандр Цэнцер, уладальнік сеткі заправак «А-100». Адзін з першых бізнэсоўцаў, які вырашыў беларусізаваць сваю справу, хай і не зусім атрымалася, але імпульс грамадства ўлавіла.

І замыкаюць дзясятку таямнічыя ўласнікі «Еўраопта» Сяргей Літвін і Уладзімір Васілька, іх бізнэс зарэгістраваны ў княстве Манака.

Далей ідуць бізнэсоўцы, якія не так даўно мелі праблемы з праваахоўнай сістэмай: Яўген Баскін (№11, магілёўскі «Сервалюкс»), ІТ-шнік Віктар Пракапеня (№12) і гродзенец Валянцін Байко (№13).

Звяртае на сябе ўвагу падзенне колішняга фаварыта Аляксандра Лукашэнкі Аляксандра Шакуціна. Уладальнік «Амкадора» ўпаў з восьмага радка на пятнаццаты.

Затое ўласнік «Трайпла» Юрый Чыж зноў пачынае ўздымацца на верхнія пазіцыі, у гэтым рэйтынгу ён заняў 26-ае месца.

Каментары7

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Два сакрэты, дзякуючы якім адбылася кар'ера новага прэс-сакратара МЗС Руслана Варанкова11

Два сакрэты, дзякуючы якім адбылася кар'ера новага прэс-сакратара МЗС Руслана Варанкова

Усе навіны →
Усе навіны

Пуцін прапанаваў мяняць беларускую бульбу на «шчаслівы сіроп»3

Кітайскі міністр заявіў прадстаўніку ЕС, што Пекін не хоча паразы Пуціна ва Украіне4

«F1»: ці ўдаўся гоначны блакбастар з Брэдам Пітам?

Лукашэнка: Прыйшоў час вярнуцца на шлях нармалізацыі адносін Беларусі і ЗША26

Трамп заявіў, што падчас чарговай размовы з Пуціным не дабіўся ніякага прагрэсу па Украіне9

«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту6

Масква афіцыйна прызнала Ісламскі Эмірат Афганістан3

«Адну мяне прыводзіць у шаленства, што за мяжой я выключна ІрЫна?» Беларуска абураецца транслітэрацыяй у пашпарце з беларускай мовы39

Трамп з Пуціным абмеркавалі сітуацыю ў Іране і Украіне

больш чытаных навін
больш лайканых навін

Два сакрэты, дзякуючы якім адбылася кар'ера новага прэс-сакратара МЗС Руслана Варанкова11

Два сакрэты, дзякуючы якім адбылася кар'ера новага прэс-сакратара МЗС Руслана Варанкова

Галоўнае
Усе навіны →

Заўвага:

 

 

 

 

Закрыць Паведаміць