U Minsku jość dźvie paralelnyja vulicy, pamiž jakimi 10 mietraŭ. Ale ni na adnu ź ich prosty čałaviek patrapić nie zmoža FOTY
Unačy na sajcie «Našaj Nivy» źjaviłasia zahadka pra dźvie paralelnyja staličnyja vulicy, adlehłaść pamiž jakimi składaje 10 mietraŭ.
Słušny adkaz daŭ karystalnik «Alaksiej».
Nasamreč heta vulicy Kalcova i Stefanii Staniuty.
Dadatkovaja asablivaść hetych vulic u tym, što ni pa adnoj ź ich zvyčajny čałaviek prajści nie moža. Jany pierakrytyja varotami, za jakimi znachodziacca šłahbaum i kantrolna-prapuskny punkt. A pamiž samimi vulicami staić ściana, jakaja adździalaje dva elitnyja katedžnyja pasiołki.
Vulica Kalcova — daŭniaje miesca pražyvańnie biełaruskich biznesmienaŭ. Tut, pobač ź Cnianskim vadaschoviščam, znachodziacca 20 elitnych katedžaŭ dla «svaich». Admietna, što nivodzin z damoŭ nie vystaŭleny na prodaž.
Dva hady tamu Minharvykankam vydzieliŭ susiedni ŭčastak sierbskamu zabudoŭščyku «Dana Astra». Heta kampanija bratoŭ Karyčaŭ, miljanieraŭ časoŭ kiravańnia Słabadana Miłošaviča.
Sierby pabudavali 14 katedžaŭ, jakija ŭ svabodny prodaž nie pastupali. Padjezd da ich atrymaŭ nazvu «vulica Stefanii Staniuty». Chto budzie žyć u hetych elitnych katedžach — pakul nieviadoma.
Kamientary