Alaksandr Łukašenka zajaviŭ, što pakul jon znachodzicca na pasadzie prezidenta, dzień abviaščeńnia niezaležnaści BNR 25 sakavika dziaržaŭnym śviatam nie budzie. Tak kiraŭnik krainy adkazaŭ na pytańnie ad internet-karystalnikaŭ, padčas sustrečy z žurnalistami dziaržaŭnych ŚMI, piša BiełTA.
Adkazvajučy na pytańnie, kiraŭnik dziaržavy skazaŭ, što zaŭčasnyja razmovy pra toje, kab zrabić 25 sakavika dziaržaŭnym śviatam. Jon padkreśliŭ, što pakul jon znachodzicca na pasadzie prezidenta, hetaha nie budzie.
Kiraŭnik dziaržavy nahadaŭ, što ŭ Biełarusi ŭžo jość Dzień Niezaležnaści 3 lipienia.
«U nas jość Dzień Niezaležnaści, i kali b my tady nie pieramahli, to sapraŭdy nijakaj niezaležnaści nie było b», - — skazaŭ kiraŭnik dziaržavy.
Alaksandr Łukašenka adznačyŭ, što jak historyk pa adukacyi źviartaŭsia da hetaj temy [roli BNR], vyvučaŭ isnujučyja mierkavańni i pryjšoŭ da vysnovy, što ŭ Biełarusi pakul nie razumiejuć, što takoje BNR i jakuju rolu jana adyhrała.
Na dumku Łukašenki, u hetaj častki biełaruskaj historyi nie ŭsio vidavočna. Z adnaho boku, stvaralniki BNR chacieli adzinstva dla krainy, z druhoha — źviartalisia pa dapamohu da niamieckaha kajziera.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary