U Litvie abvierhli biełaruskaha ministra: dziaržava nie datuje Vilenski aeraport, kab zavabić łaŭkostaraŭ
U Ministerstvie transpartu i kamunikacyj Litvy prakamentavali zajavu ministra transpartu i kamunikacyj Biełarusi Anatola Sivaka, što litoŭskaja dziaržava datuje Vilenski aeraport, kab zavabić «biudžetnyja» avijakampanii, piša «Radyjo Svaboda».
Kiraŭnik Biełarusi Alaksandar Łukašenka 24 krasavika ŭ svaim pasłańni da narodu i parlamentu spytaŭsia: «Čamu našym hramadzianam bolš vyhadna lotać adkul zaŭhodna — ź Vilni, Kijeva, Varšavy, ale nia ź Miensku?».
U susiednich ź Biełaruśsiu krainach (u tym liku ŭ Vilenskim aeraporcie) pracuje šerah łoŭkosteraŭ — avijakampanij, jakija prapanujuć paloty pa minimalnych cenach, ale biaz bolšaści dadatkovych pasłuhaŭ dla pasažyraŭ, ź vielmi abmiežavanymi abjomami bahažu, niaredka ŭ niazručny čas abo ŭ dalokija ad papularnych haradoŭ aeraporty.
U Biełaruś łoŭkosty praktyčna nia lotajuć, niama i biełaruskaj łoŭkost-kampanii — pryčyny hetaha nazyvajuć samyja roznyja.
Biełaruski ministar: Litva datuje Vilenski aeraport ź biudžetu
Adkazvajučy na pytańnie ad Łukašenki, ministar transpartu i kamunikacyj Biełarusi Anatol Sivak patłumačyŭ u interviju partału Tut.by, što ŭ Litvie «lotajuć łoŭkost-kampanii, a «Biełavija» hety pryncyp łoŭkost-kampanij nie prymianiaje».
Pavodle Sivaka, u Vilni aeraport «pradjaŭlaje kampanijam časam minimalnyja vydatki, a časam naahuł jany datujuć hety aeraport».
«My ž nie datujem siońnia nivodnym rublom ź biudžetu naš aeraport», — skazaŭ Anatol Sivak.
U kampanii «Biełavija» karespandentu Svabody admovilisia kamentavać sytuacyju, bo «ministar užo ŭsio skazaŭ».
Jakaja sytuacyja ź finansavańniem aeraportaŭ u Litvie, Svabodzie skazaŭ dyrektar departamentu palityki ŭ sfery darožnaha transpartu i hramadzianskaj avijacyi litoŭskaha Ministerstva transpartu i kamunikacyj Uładysłaŭ Kandratovič.
«U nas dziejničajuć eŭrapiejskija rehlamenty i dyrektyvy, jakija nie praduhledžvajuć datavańnia aeraportaŭ. Naohuł u nas niama svajoj avijacyi, my nia majem nacyjanalnaha pieravozčyka, nam niama kaho datavać»,
— skazaŭ litoŭski čynoŭnik.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu4
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2626
Kamientary