U Rasii prapanavali abmiežavać karystańnie sacsietkami tryma hadzinami na dzień
Deputat Zakanadaŭčaha schodu Sankt-Pieciarburha Andrej Anochin apublikavaŭ u «Fejsbuku» svoj zakonaprajekt, nakiravany na abmiežavańnie karystańnia sacsietkami.
«U ciapierašni čas naśpieła nieabchodnaść abarony hramadzian ad pahrozy nieadekvatnaha ŭsprymańnia rečaisnaści praź pierachod ad realnaha znosin da znosin u sacyjalnych sietkach», — ličyć deputat.
Prapanavany zakon nazyvajecca «Ab abaronie hramadzian ad niehatyŭnaha ŭździejańnia sietkavych supolnaściaŭ ŭ sietcy «Internet», što pryčyniaje škodu zdaroŭju i raźvićciu čałavieka». Jon uklučaje niekalki abmiežavańniaŭ i zabaronaŭ dla karystalnikaŭ sacyjalnych sietak, błohaŭ i inšych placovak dla virtualnych znosin ludziej.
Deputat prapanuje 4 hałoŭnyja praviły:
- Abaviazkovaja identyfikacyja karystalnikaŭ (heta značyć admova ad ananimnaści);
- Błakavańnie sajtaŭ i placovak, jakija ihnarujuć patrabavańnie ab abaviazkovaj identyfikacyi karystalnikaŭ;
- Zabarona niepaŭnaletnim karystacca sacsietkami u škołach, VNU i inšych adukacyjnych arhanizacyjach;
- Abmiežavańnie času naviedvańnia sacyjalnych sietak da 3 hadzin na sutki dla ŭsich hramadzian.
Na dumku deputata, hetyja praviły dapamohuć abaranić fizičnaje i psichałahičnaje zdaroŭje hramadzian. Andrej Anochin prapanavaŭ abmierkavać jahony zakonaprajekt u «Fejsbuku».
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary