Kamientatary pra «Nieśmiarotny połk» u Minsku: «Supolnaść tych, chto lubić Rasieju macniej, čym Łukašenka, arhanizacyjna aformiłasia»
«Nieśmiarotny połk» u Minsku pakazaŭ, što supolnaść tych, chto lubić Rasieju macniej, čym Łukašenka, arhanizacyjna aformiłasia. Jana dosyć masavaja, i pry raskrutcy i maskoŭskaj padtrymcy chutka moža stać surjoznaj siłaj.
Popyt, navat u Miensku, jość. A što ŭžo kazać pra pravincyju», — napisaŭ u siabie ŭ fejsbuku žurnalist Andrej Pačobut.
«Situacyja z «nieśmiarotnym pałkom» najpierš pakazała, nakolki ŭ Łukašenki ŭ peŭnych pytańniach mała (a možna skazać, što i zusim niama) prastory dla manieŭru, — piša historyk Alaksandr Paškievič. — Z adnaho boku, jon i sercam, i hałavoj jaŭna adčuvaje, što davać hetaj publicy nadta razhulacca niebiaśpiečna. Tamu karcić jamu ŭsie hetyja maršy prosta adnaznačna zabaranić — i ŭsio. Ale pry hetym vidavočna, što niejkaja, chaj sabie i nievialikaja častka prarasijskaj publiki vyjdzie navat biez dazvołu — i što tady z hetymi dziejačami rabić? Dać im prajści, nie čapajučy, niahledziačy na toje, što pierad hetym šeście zabaraniŭ? Hetym samym zaśviedčyš svaju słabaść i nadasi śmiełaści na nastupnyja razy. Vincić žorstka i pakazalna, jak zvyčajnych apazicyjanieraŭ? Tady karcinka adpaviednaja pojdzie na ŭsie rasijskija sajty dy telekanały, i raniej vysmaktanyja z palca śćvierdžańni, što Łukašenka nibyta «zdradziŭ» «ruskamu śvietu» i pierajšoŭ na inšy bok barykadaŭ, atrymajuć dakumientalnaje paćviardžeńnie. Z usim tym, što z hetaha vynikaje. Heta ŭsio ž nie «bieł-čyrvona-biełyja» apazicyjaniery, za jakich niama kamu surjozna zastupicca.
U vyniku pryniata było rašeńnie, jakoje, vidać, z punktu hledžańnia ŭłady jość najmienšym złom - aficyjna akcyju taki dazvolić, ale ŭ apošni momant, kab, mahčyma, tym samym źmienšyć jaje maštab i ŭ toj ža čas paźbiehnuć nieabchodnaści jaje razhaniać. A paśla ŭžo dumać, što z hetym rabić. Chutčej za ŭsio, nastupny raz ułady buduć namahacca zładzić niešta anałahičnaje pad svaim ułasnym kantrolem i kiraŭnictvam, pavodle pryncypu «nie možaš pieramahčy - uznačal». Jak heta adbyvałasia z zamienaj hieorhijeŭskaj stužki na čyrvona-zialonuju «jabłynievuju» butańjerku. Bo što jašče rabić, kali prastora dla manieŭru abmiežavanaja?»
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva33
Kamientary