10 maja ŭ Šarkaŭščynski RAUS z rajonnaj balnicy pastupiła paviedamleńnie ab małaletniaj dziaŭčyncy z atručvańniem i chimičnym apiokam unutranych orhanaŭ.
Viadoma, što ranicaj 1,5-hadovaja dziaŭčynka znachodziłasia ŭ chacie razam z maci i babulaj. Dzicia dastała z tumbački ŭ kalidory płastykavuju butelku i vypiła častku vadkaści. Maci adrazu kinułasia da dački i nieadkładna stała pramyvać toj rot vadoj i vyklikała bryhadu chutkaj miedycynskaj dapamohi.
U ciapierašni čas dzicia ŭ ciažkim stanie znachodzicca ŭ reanimacyi.
Miarkujecca, što ŭ płastykavaj butelcy z-pad vadkaha myła znachodziłasia kisłata dla čystki trub.
Śledčyja pravodziać pravierku, vyśviatlajucca abstaviny zdareńnia.
Siamja dziaŭčynki charaktaryzujecca stanoŭča, u sacyjalna niebiaśpiečnym stanoviščy nie znachodzicca.
«Śledčyja čarhovy raz źviartajucca da baćkoŭ: dzieci patrabujuć da siabie pavyšanaj uvahi. U małaletnim uzroście dziećmi ruchaje žadańnie pasprabavać usio. Kab paźbiehnuć trahiedyi zachoŭvajecie patencyjna niebiaśpiečnyja bytavyja srodki i leki pa-za dasiažnaściu dziaciej. Bieražycie dziaciej!» — adznačyła Śviatłana Sacharava, aficyjny pradstaŭnik SK pa Viciebskaj vobłaści.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary