Hramadstva7474

Pradziusar i žonka śpievaka Jałfimava: «My i raniej vystupali ŭ Krymie? I što? Nichto nam va Ukrainu ŭjezd nie zabaraniaŭ»

Viadomy biełaruski śpiavak Piatro Jałfimaŭ, jaki apošnija piać hadoŭ žyvie ŭ Maskvie, uziaŭ udzieł u kancercie padčas adkryćcia tak zvanaha «Krymskaha mosta». Kancert z hetaj nahody prachodziŭ u Kierčy. Na im prysutničaŭ prezident Rasii Uładzimir Pucin.

Piatro Jałfimaŭ u Krymie z pradziusaram i žonkaj Taćcianaj Kasmačovaj. Fota z vk.com.

Piatro Jałfimaŭ źmiaściŭ u sacsietkach fotku «Ranica. Krym. Most». Źviazacca z samim Jałfimavym nie ŭdałosia, jon prymaje zaliki ŭ studentaŭ. Zatoje adkazała jahony pradziusar Taćciana Kasmačova.

«Što ŭ vas vyklikała abureńnie? Što kiepskaha, što budujuć darohi, masty, što ludziam lahčej budzie dabiracca da pracy? Što ŭ hetym kiepskaha? Most hety budavali i Biełarusija [skazała mienavita tak — «NN»], i Rasija, i Ukraina, i Tadžykistan, i hruziny, i armianie. I ja hetych ludziej bačyła», — kaža Kasmačova.

Ci nie pastavili kryž tym samym na hastrolach va Ukrainie? «My jeździm na hastroli va Ukrainu. Ja spadziajusia, što vielmi chutka situacyja naładzicca, i ŭsie buduć jeździć, kudy zachočuć, jak było niekali. U mianie svajaki va Ukrainie, i ŭ Pieci svajaki va Ukrainie. I što? My jeździli ŭ Krym i raniej, byli ŭ Simfieropali, na vialikich śpiektaklach i kancertach. Pry hetym jeździli i ŭ Adesu, nichto nam ničoha nie zabaraniaŭ».

My zhadali vypadak ź biełaruskim śpievakom Maksam Karžom, jakomu zabaraniali ŭjezd na terytoryju Ukrainy paśla kancertu ŭ Krymie. «Moža, Maksimu i zabaraniali, tamu što jon, nie viedaju što. A nam nichto nie zabaraniaŭ. Ci mała jakija precedenty jość, moža, napiŭsia chto, niapravilna siabie pavodzić. Bližejšym časam va Ukrainu nie źbirajemsia, niama nahody».

Piatro Jałfimaŭ pradstaŭlaŭ Biełaruś na konkursie Jeŭrabačańnie ŭ 2009 hodzie ŭ Maskvie, ale nie zmoh vyjści navat u finał. U fłeš-intervju paśla vystup jon skazaŭ, što praśpiavaŭ «ach…na».

Kamientary74

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U biełarusaŭ Polščy byli pryčyny nie hałasavać za Tšaskoŭskaha17

U biełarusaŭ Polščy byli pryčyny nie hałasavać za Tšaskoŭskaha

Usie naviny →
Usie naviny

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie11

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar1

U Biełarusi chočuć pastrožyć praviły vydačy pazyk

Vy kažacie, što ŠI zamienić čałavieka? Vy nie razumiejecie natury čałavieka3

Azaronak napisaŭ pra palitemihranta — paśla hetaha brata i baćku taho kinuli za kraty6

Navukoŭcy raskryli tajamnicu rudych katoŭ, jakaja nie davała spakoju dziesiacihodździami3

«Kupałaŭcy» anansavali apošniuju ŭ siezonie premjeru — raskazvajem, pra što budzie novy śpiektakl «Valizka»

Ihar Sierhiejenka pieradaŭ Papu abraz u padarunak ad Łukašenki8

Budaŭnictva kaštavała 60 miljonaŭ jeŭra. Što ŭnutry novaha mižnarodnaha vystavačnaha centra ŭ Minsku FOTY4

bolš čytanych navin
bolš łajkanych navin

U biełarusaŭ Polščy byli pryčyny nie hałasavać za Tšaskoŭskaha17

U biełarusaŭ Polščy byli pryčyny nie hałasavać za Tšaskoŭskaha

Hałoŭnaje
Usie naviny →

Zaŭvaha:

 

 

 

 

Zakryć Paviedamić