Jak paviedamlaje ahienctva Reuters, pa dadzienych CVK kiraŭnik Vieniesueły Nikałas Madura pa vynikach prezidenckich vybaraŭ zaručyŭsia padtrymkaj 68% tych, chto prahałasavaŭ. Jon značna apiaredziŭ bližejšaha kankurenta — eks-hubiernatara štata Łara Enry Falkonie, za jakoha prahałasavali ŭtraja mienš vybarščykaŭ.
Pry hetym CVK paćvierdziŭ nizkuju jaŭku. Na vybarčyja ŭčastki pryjšli krychu bolš za 46% hramadzian. Dla paraŭnańnia ŭ 2013 hodzie prahałasavali 80% vybarščykaŭ.
Navina ab pieraabrańni Madura vyklikała radaść u jaho prychilnikaŭ u Karakasie, dzie sotni ludziej ź fiejervierkami zładzili tancy la prezidenckaha pałaca.
Apazicyja, častka jakoj bajkatavała vybary, zajaviła ab tym, što hałasavańnie prachodziła z masavymi parušeńniami. Praciŭniki Madura abvinavacili jaho ŭ pryvatnaści ŭ zapałochvańni ludziej. Vybarščykaŭ u biednych kvartałach papiaredžvali, što ŭ vypadku nizkaj jaŭki ich mohuć pazbavić dapamohi.
Miž tym ceły šerah krain zajavili, što nie buduć pryznavać vyniki vybaraŭ. Siarod ich ZŠA, Arhiencina, Čyli.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary