Častka scen u rekłamnym roliku niamieckaj avijakampanii Lufthansa, padrychtavanym da čempijanatu śvietu pa futbole-2018, źniatyja ŭ Kijevie.
Pavodle siužeta, niemcy źbirajucca lacieć u Maskvu, pierad rehistracyjaj jany ŭjaŭlajuć, što ich čakaje ŭ Rasii.
Hołas za kadram kaža: «U hetym hodzie čempijanat adbudziecca ŭ Rasii. Tut taksama jość pryhožyja kutočki». Prademanstravany ŭ videa vadajom znachodzicca nie ŭ Rasii, a ŭ Kijevie.
Pavodle infarmacyi niamieckaha žurnalista Barysa Rajtšustara, zdymki pravodzilisia va Ukrainie, «tamu što ŭ Rasii było b składana atrymać dazvoł».
Avijakampanija paćvierdziła fakt zdymki va ŭkrainskaj stalicy, vybačyłasia i vydaliła videa z usich svaich płatformaŭ.
«My ŭbačyli ŭ pieršych kamientarach, što heta zakranaje pačućci asobnych karystalnikaŭ», — adznačajecca ŭ paviedamleńni kampanii.
U Lufthansa adznačyli, što videa zdymali va Ukrainie «z łahistyčnych mierkavańniaŭ», i heta źjaŭlajecca zvyčajnaj praktykaj dla rekłamnych rolikaŭ. «Havorka idzie pra toje, jakoje ŭjaŭleńnie pra miesca maje hladač», — adznačyli ŭ kampanii.
Kamientary