U Ńju-Jorku skončyła žyćcio samahubstvam dyzajnierka Kiejt Spejd. Jaje śmierć nahadvaje samahubstva inšaha madeljera
Dyzajnierka Kiejt Spejd, jakaja stvaryła impieryju aksiesuaraŭ i čyje sumki stali simvałam statusu i paznakaj składanaha darosłaha žyćcia dla amierykanskich žančyn, była znojdzienaj miortvaj u aŭtorak, piša NY Times. Joj było 55 hadoŭ.
Cieła žančyny znajšła chatniaja prysłuha kala 10:20 ranicy pa miascovym časie. Vakoł šyi Spejd, byŭ abviazany šalik, pryviazany da dźviarnoj ručki, paviedamlaje Associated Press sa spasyłkaj na krynicy ŭ pravaachoŭnych orhanach.
New York Post piša, što śmierć Spejd kapijuje śmierć dyzajnierki Łoren Skot u 2014 h., jakuju znajšli paviešanaj na šaliku, zamacavanym na dźviarnoj ručcy ŭ kvatery na Manchetanie. Łoren Skot była blizkaj siabroŭkaj Mika Džahiera.
Matyvy samahubstva pakul nieviadomyja. Dyzajnier pakinuła pieradśmiarotnuju zapisku, ale pra jaje źmiest nie paviedamlajecca.
Kiejt Spejd stvaryła ŭłasny brend Kate Spade New York ŭ 1993 hodzie. Spačatku jana zajmałasia tolki dyzajnam sumak, ale paźniej stała vypuskać taksama adzieńnie, aksesuary, parfumu i pradmiety interjeru. U ZŠA pracujuć 140 kram Kate Spade New York
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary