Biełarusy stvaryli technałohiju raspaznańnia asob, jakaja moža adroźnivać bliźniat
Raspracoŭščyki «Sinezis» stvaryli płatformu FaceKey, zdolnuju imhnienna raspaznać čałavieka pry dapamozie mabilnaha telefona. Płatforma skanuje tvar praz kamieru i vyznačaje, chto pierad joj — uładalnik pryłady abo nieznajomy. Dziakujučy raspracoŭcy zrabić złačynstva z čužoha hadžeta stanie niemahčyma — usie tranzakcyi buduć dastupnyja tolki haspadaru telefona.
«U śviecie bolš za 5 miljardaŭ čałaviek karystajecca smartfonami. Praktyčna kožny zachoŭvaje ŭ telefonie asabistyja danyja, vykarystoŭvaje bankaŭskija dadatki, klijenty internet-kram i roznyja servisy apłaty. Tamu ciapier pytańnie biaśpieki dostupu da piersanalnych dadzienych staić na pieršym miescy», — raspaviadaje Dźmitryj Fiodaraŭ, kiraŭnik kirunku R&D (daśledavańni i raspracoŭka) kampanii «Sinezis». — Dziakujučy FaceKey złamyśniki prosta nie zmohuć pravieści jakuju-niebudź tranzakcyju z čužoha mabilnaha telefona ci inšaha hadžeta.
FaceKey pracuje prosta. Uładalnik pryłady zahružaje adnu abo niekalki svaich fatahrafij, pryčym jany mohuć być z pašparta piacihadovaj daŭnaści abo z sacyjalnych sietak. Dadatak adkryvaje kamieru telefona, skanuje čałavieka i paraŭnoŭvaje z tvaram na zahružanych fota. Ałharytm moža prapanavać karystalniku pračytać frazu, napisanuju na ekranie, albo vymavić 3 ličby — tak jon zrazumieje, što kala kamiery realny čałaviek, a nie jaho fotazdymak albo videa z ekrana inšaj pryłady.
«Sistema vykarystoŭvaje štučny intelekt i adroźnivaje ludziej lepš, čym heta robić čałaviek. Navat kali paraŭnańnie adbyvajecca pry drennym aśviatleńni, a pierad kamieraj — niechta ŭ akularach ci z zasłonienym napałovu tvaram. My testavali płatformu na klijencie, u jakoha jość brat-bliźniuk. Ałharytm adroźniŭ jaho ad brata na 80%. Heta dobry vynik, bo ŭ takich vypadkach zvyčajny čałaviek nie zmoh by imhnienna ich adroźnić», — kamientuje Dźmitryj Fiodaraŭ.
FaceKey ukaraniajecca ŭ luby klijencki dadatak, dzie nieabchodna pravodzić vieryfikacyju druhoha ŭzroŭniu. «Sinezis» ciapier viadzie pieramovy z kampanijami bankaŭskaj śfiery, sietkaj karšerynhaŭ, bujnymi ahrehatarami apłaty.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ3
Kamientary