KDB pačaŭ treści działkoŭ ad miedycyny: zatrymanyja načalnik upraŭleńnia Minabarony i dyrektar Centra miedycynskich ekśpiertyz
KDB uziaŭsia za šeryja schiemy ŭ pastaŭkach miedycynskich tavaraŭ: zatrymany niekalki čałaviek sa śfiery miedycyny.
«U nas zatrymanyja dva čałavieki», — skazaŭ «Našaj Nivie» namieśnik dyrektara Centra miedycynskich ekśpiertyz i vyprabavańniaŭ Siarhiej Zinčanka.
Havorka idzie pra kiraŭnika centra — Alaksandra Stalarova, a taksama pra jaho namieśnika.
Mahčyma, što ŭ adnym šerahu z hetymi zatrymańniami idzie i zatrymańnie aficera Hienštaba, načalnika vajenna-miedycynskaha ŭpraŭleńnia Ministerstva abarony pałkoŭnika Alaksieja Jaśkova.
«U krainie stvorana sistema, jakaja dazvalaje vykryvać luboje złačynstva», — voś tak prakamientavaŭ hety fakt pres-sakratar viedamstva Uładzimir Makaraŭ.
Viadoma, što da Centra miedycynskich ekśpiertyz u pravaachoŭnych orhanaŭ nabrałasia šmat pytańniaŭ: DFR praviaraŭ jaho dziejnaść adnosna daŭno, ź minułaha hoda.
U Biełarusi isnavali schiemy štučnaha zavyšeńnia cen na roznyja miedycynskija tavary, rabiłasia heta praz stvareńnie firmaŭ-prakładak i łabiravańnia ich intaresaŭ.
«Naša Niva» padrabiazna apisvała hetuju schiemu ŭ adnym sa svaich rasśledavańniaŭ.
Čytajcie taksama: Rasśledavańnie: jak biełarusy pierapłačvajuć tysiačy dalaraŭ za biaspłatnyja apieracyi ŭ dziaržaŭnych klinikach
U vyniku skłałasia paradaksalnaja situacyja: pry nibyta dziaržaŭnym kantroli cen na leki i minimalnych nadbaŭkach absalutnaja bolšaść lekaŭ kaštavała ŭ razy daražej takich samych u Polščy, Ukrainie ci Litvie.
Taksama viadoma, što zatrymanych asobaŭ bolej, ale KDB pakul nie kamientuje situacyju i nie ahučvaje ŭvieś śpis padazravanych.
Kamientary