Jaho pamier składzie 1 jeŭra ŭ sutki.
Ad vypłaty padatku buduć vyzvalenyja niepaŭnaletnija turysty i invalidy, a da pačatku nastupnaha hoda — vialikija hrupy turystaŭ, paviedamlaje Delfi.lt.
Za zbor padatku adkazvajuć kampanii, jakija pradstaŭlajuć pasłuhi pražyvańnia — nie tolki haścinicy, ale i pryvatnyja asoby, jakija zdajuć kvatery ŭ arendu.
Hety zbor nie ŭklučajecca ŭ košt žylla. Jaho turysty buduć płacić asobna.
Padatak pavinny płacić usie hości litoŭskaj stalicy, jakija zarehistrujuć svoj pryjezd z 12.00 1 lipienia. Tyja, chto pryjechaŭ raniej, ad vypłaty padatku vyzvalenyja.
Pa słovach kiraŭnika Vilenskaha turystyčnaha ahienctva Go Vilnius Inhi Ramanaŭskienie, hety zbor pryniasie karyść horadu. «My razam ź inšymi pradstaŭnikami turbiznesu budziem vyrašać, na što tracić hetyja hrošy, kab horad atrymlivaŭ ad hetaha karyść i staŭ bolš pryvabnym, bolš viadomym u śviecie», — skazała Ramanaŭskienie.
Kamientary