Viktar Prakapienia prapanavaŭ bajkatavać usie restarany ŭładalnikaŭ «Pajedziem, pajadzim»
Biełaruski IT-pradprymalnik Viktar Prakapienia znoŭ vykazaŭsia nakont restarana «Pajedziem, pajadzim», jaki znachodzicca kala Kurapat.
«Restaran ŭ Kurapatach pavinien być začynieny, pryčym nie dziaržavaj, a ŭładalnikami biznesu. Pakul heta nie zroblena, prapanuju ŭsim sacyjalna adkaznym biełarusam bajkatavać restarany hrupy: The View, «Hrand Kušavel» i, viadoma, restaran «na kaściach».
Adna z samych vialikich prablem raźvićcia ekanomiki Biełarusi — heta adsutnaść dyjałohu pamiž biznesam i ŭładaj. Šmat u čym heta vynik taho, što ŭłada ličyć, što ŭsie biznesmieny — sacyjalna biezadkaznyja ludzi, zacikaŭlenyja tolki ŭ atrymańni prybytku. Heta nie tak. U nas šmat biznesmienaŭ, jakija lubiać krainu i vydatna razumiejuć, što hrošy heta ništo ŭ paraŭnańni z dabrabytam našaha vialikaha doma, jaki nazyvajecca Respublika Biełaruś.
Tym nie mienš, jość na redkaść amaralnyja i biezadkaznyja ludzi, jakija dazvalajuć sabie takija vychadki, jak budaŭnictva restarana «na kaściach». Našamu hramadstvu jak nikoli važna ruchacca ŭ zvarotnym kirunku i pavialičvać davier pamiž uładaj i biznesam — stvarajučy bolš historyj hłybokaj sacyjalnaj adkaznaści biznesu.
Vialikija hrošy — heta nie tolki vialikija mahčymaści, ale i vialikaja adkaznaść».
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary