Jeŭrakamisar: Pahadnieńnie ab pryjarytetach partniorstva ES i Biełarusi budzie padpisana ŭ hetym hodzie
Pahadnieńnie ab pryjarytetach partniorstva Jeŭrasajuza i Biełarusi budzie padpisana ŭ hetym hodzie. Pra heta Jeŭrakamisar pa jeŭrapiejskaj palitycy susiedstva i pieramoŭ ab pašyreńni ES Jochanes Chan zajaviŭ padčas dziasiataha raŭnda niefarmalnych ministerskich dyjałohaŭ ministraŭ zamiežnych spraŭ krain — udzielnic inicyjatyvy ES «Uschodniaje partniorstva», jaki prachodzić u Minsku.
— Pytańnie pryjarytetaŭ partniorstva ES i Biełarusi ciapier abmiarkoŭvajecca. Učora ja havaryŭ pra heta ź biełaruskim prezidentam, siońnia my abmiarkoŭvali heta na pieramovach. Ja ŭpeŭnieny, što vielmi chutka heta pahadnieńnie budzie hatova i my jaho padpišam u hetym hodzie, — zajaviŭ Chan.
Kiraŭnik MZS dadaŭ, što pryjarytety partniorstva — heta svajho rodu darožnaja karta adnosin Biełarusi ź ES da 2020 hoda.
— Dla nas, jak nam zdajecca, zaklučeńnie hetych pryjarytetaŭ partniorstva vielmi važna, tamu što heta stvoryć hlebu dla bolš ciesnaha ŭzajemadziejańnia pamiž Biełaruśsiu i ES, — dadaŭ Makiej.
Z nahody pavyšeńnia koštaŭ na vizy da 80 jeŭra Chan śćviardžaje, što ES nie zacikaŭleny ŭ zarablańni hrošaj. A asablivy padychod da kožnaj krainy, i Biełarusi ŭ tym liku, u Jeŭrasajuzie nie praktykujecca.
— Nie chaciełasia b pieraškadžać pieramoŭnamu pracesu, ale nie dumaju, što Jeŭrasajuz zacikaŭleny zrabić vizy krynicaj prybytku Jeŭrasajuza. Naša meta — paskoryć vydaču viz, my nie nacelvajemsia na toje, kab zarablać hrošy, — skazaŭ Chan. — Mnie chaciełasia b padkreślić, što ŭ Jeŭrasajuza niama dyfierencyjacyi ŭ padychodach da krain, ale ŭsio zaležyć ad intensiŭnaści adnosin z krainami. Što tyčycca vizavaha pytańnia ź Biełaruśsiu, mnie nie chaciełasia b kamientavać pieramoŭny praces spraščeńnia vizavaha režymu, ale kali jość nacelenaść z abodvuch bakoŭ, ja padkreślivaju, z abodvuch bakoŭ, to my nie prabiažym, a pralacim hety šlach.
Nahadajem, u liku prapanavanych źmianieńniaŭ u Vizavy kodeks ES — pavieličeńnie koštu ŭjaznych dakumientaŭ z 60 da 80 jeŭra.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary