Ułaśnik restarana ŭ Kurapatach upieršyniu vykazaŭsia. I adrazu zahavaryŭ pra toje, što niechta finansuje pratesty

Z pačatku červienia pobač z uročyščam Kurapaty, dzie pachavany achviary stalinskich represij 1937-1940 hadoŭ, adkryŭsia restaranny kompleks «Pajedziem, pajadzim». Abaroncy Kurapataŭ uvieś hety čas nie prapuskajuć naviedvalnikaŭ u restaran i pravodziać akcyi pratestu. Tut.by pahutaryŭ z saŭładalnikam restarana Leanidam Zajdesam i daviedaŭsia, jak abjekt staŭ prablemnym.

Pavialičyć

Biznesmien tłumačyć, što situacyju pa restaranie nichto nie kamientavaŭ uvieś hety čas, tamu što ŭładalniki nie znachodziacca ŭ Biełarusi. Zajdes byŭ u kamandziroŭcy ŭ Izraili. Kali viarnuŭsia — pryjšoŭ z nami na sustreču. Da pretenzijaŭ taksama treba było padrychtavacca i ź jurydyčnaha boku — sabrać nieabchodnyja dakumienty.

Zajdes kaža, što pra maral možna kazać doŭha. Jon zhadvaje miemaryjał «Jama», viasielli ŭ kafe «Cytadel» u Bresckaj krepaści, kafe kala Aśviencima, restarany la Ściany Płaču.

— Ja mahu zrazumieć ich finansavańnie, — kaža ŭładalnik restarana pra aktyvistaŭ, — Im nielha prajhrać Kurapaty. Kaliści, naprykład, jany sčapilisia za nazvu. Sumiesna z brendam «Bulbaš» my chacieli nazvać restaran «Bulbaš-Choł». Zychodziačy z hramadskaj dumki, uładalniki źmianili nazvu restarana, jakaja nie spadabałasia.

Pavialičyć

U zaklučeńnie Zajdes kaža, što navat kali viarnucca da zon achovy pavodle schiemy 2004 hoda, pryznać ich zakonnymi, i ŭ miežach, jak ličyŭ Minkult, i źnieści paŭtary chatki, restaran ŭsio roŭna zastaniecca zakonnaj pabudovaj.

— Jość šmat kafe i restaranaŭ, dzie ja byŭ, u tym liku za miažoj, i ź jakich bačnyja miemaryjały, miescy pachavańniaŭ i niehatyŭnych emocyj heta ni ŭ kaho nie vyklikaje. U nas restaran nie na terytoryi miemaryjała, nie na mohiłkach i nie na pachavańniach, a znachodzicca na dapuščalnaj zakanadaŭstvam adlehłaści ad takich miescaŭ. Kryžoŭ z boku ŭstanovy naohuł raniej nie było vidać, ich ustalavali ŭ takim vyhladzie paźniej i praciahvajuć ustaloŭvać ŭsio bližej.

Jakoje vyjście ź situacyi, jakaja skłałasia

Leanid Zajdes kaža, što pakul ni ad adnaho čałavieka jon nie čuŭ kanstruktyŭnych prapanoŭ nakont taho, jak vyrašyć los restarana i znajści kampramis.

- U pryvatnaści spadar Prakapienia zrabiŭ niehatyŭnuju zajavu. Uźnikaje pytańnie, moža, spadar Prakapienia hatovy vykupić kompleks i rasparadzicca im pavodle ŭłasnaha bačańnia situacyi? Inšyja kanstruktyŭnyja rečy my taksama hatovyja razhladać. My hatovyja da dyjałohu biez abraz. Ale «źnieści», «zabrać», «spalić» — heta pustyja razmovy, — raspaviadaje biźniesmien.

Pavodle słoŭ Zajdesa, ciapier składvajecca dyjałoh dyrektara restarana z partyjaj BNF. Na tydni saŭładalnik restarana hatovy budzie zrabić zajavu ab płanach na ŭstanovu.

Pavialičyć

— Kali aktyvisty chočuć čahości, to niachaj źviartajucca ŭ prakuraturu, u sud, a jany ž zajmajucca samaŭpraŭnaściu, nie prapuskajuć aŭtamabili, abražajuć piersanał, naviedvalnikaŭ, ich dziaciej. Tym bolš, voś hetyja abvinavačvańni Sieviarynca pra toje, što chtości da kahości prychodziŭ i niešta prapanoŭvaŭ — heta poŭnaje tryźnieńnie. U našaj kampanii nichto takim nie zajmaŭsia. I kali my budziem udzielničać u inviestycyjach, to jany buduć całkam prazrystyja i ŭ ramkach zakanadaŭstva — u dabračynnaść abo sponsarskuju dapamohu na miemaryjał ci niešta padobnaje.

Adznačym, što aficyjnyja zapyty ŭ dačynieńni da situacyi z restaranam la Kurapat my nakiravali ŭ Minkult, Minabłvykankam i Hienprakuraturu.

• 0
• 0
• 0
• 0
• 0
• 0
• 0
• 0