U sudzie Homielskaha rajona razhladajecca čarhovaja kryminalnaja sprava ab niestatutnych adnosinach u armii. U hety raz na łavie padsudnych dva byłyja sałdaty terminovaj słužby, jakija abvinavačvajucca ŭ ździekach ź inšych vajskoŭcaŭ — paciarpiełych siem čałaviek, paviedamlaje Tut.by. Cikava, što adzin z abvinavačanych źjaŭlajecca trojčy stypiendyjatam śpiecyjalnaha fondu prezidenta pa padtrymcy talenavitaj moładzi.
Usio zdaryłasia zimoj 2018 hoda ŭ vajskovaj čaści 12-42 na pamiežnaj zastavie, jakaja baziravałasia niedaloka ad ahraharadka Novaja Huta pad Homielem.
Pa viersii dziaržabvinavačańnia, sa studzienia pa luty abvinavačanyja Siarhiej Huziejeŭ i Raman Hładki «užyvali fizičny hvałt i ŭsialak prynižali hodnaść inšych sałdat». Naprykład, prymušali radavych adciskacca šmat razoŭ, prysiadać, bili dałońniu ŭ tvar, zadavali biessensoŭnyja pytańni, na jakija treba było adkazać. Nie ŭsie vytrymlivali. Pa materyjałach spravy, padčas takich vyprabavańniaŭ dvoje vajskoŭcaŭ stračvali prytomnaść.
Abvinavačanyja vinu svaju pryznali častkova.
28 červienia sud praciahnie dopyt paciarpiełych.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary