8 lipienia z vadaschovišča Pahost na bierah dastali 39-hadovaha mužčynu, jakomu stała drenna padčas kupańnia. Vyratavać jaho nie ŭdałosia, paviedamiŭ TUT.BY viadučy śpiecyjalist Bresckaj abłasnoj arhanizacyi Asvod Viačasłaŭ Simakoŭ.
U niadzielu žychar ahraharadka Aśniežycy adpačyvaŭ ź siamjoj na vadaschoviščy. Mužčyna pasadziŭ svajho 8-hadovaha syna na plečy i zajšoŭ u vadu. Prykładna za 20 mietraŭ ad bierahavoj linii na hłybini kala 1,5 mietra jamu stała drenna. Jon źniaŭ syna z šyi, paśpieŭ padšturchnuć jaho da bieraha, a sam pajšoŭ na dno.
Praz paŭtary chviliny mužčynu vyciahnuli na bierah ratavalniki i pačali akazvać nieadkładnuju dapamohu. Ale vyratavać jaho nie ŭdałosia.
Pakul pryčyna śmierci nie vyśvietlenaja. Pavodle papiaredniaj viersii, u mužčyny padčas kupańnia adbyŭsia sardečny prystup. Jak patłumačyła žonka zahinułaha, za niekalki dzion da trahiedyi muž pierachvareŭ anhinaj.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary