Kamandujučy słužbaj śpiecyjalnych apieracyj Sił abarony Estonii pałkoŭnik Rycha Juchtehi papiaredziŭ, što ŭ vypadku ŭvarvańnia Rasii ŭ Talin rasijskaje vojska čakaje hibiel. Adpaviednuju zajavu Juchtehi zrabiŭ u kantekście abmierkavańnia, nakolki krainy Bałtyi ŭraźlivyja pierad pahrozaj patencyjalnaha ŭvarvańnia Rasii.
«Zaŭsiody jość padobnyja dyskusii. Naprykład, što ruskija mohuć dabracca da Talina za dva dni. Moža być. Ale zavajavać usiu Estoniju za dva dni jany nie zmohuć. Jany mohuć dabracca da Talina, ale zatym my pierarežam im linii kamunikacyi, zabieśpiačeńnia i ŭsio astatniaje», — skazaŭ jon.
«Praz dva dni jany mohuć dabracca da Talina. Ale jany pamruć u Talinie. I jany heta viedajuć Pa ich buduć stralać z kožnaha kuta, na kožnym kroku»,
— dadaŭ kamandujučy.
Paralelna Juchtehi prakamientavaŭ padziei žniŭnia 2008 hoda. «Viedajecie, čamu rasijanie nie stali brać Tbilisi ŭ 2008 hodzie?» — spytaŭ Juchtehi. «Jany byli na samym parozie, za 50 kiłamietraŭ ci kala taho, i ništo ich nie spyniała», — praciahnuŭ jon. «Hruziny šalonyja, i jany buduć zmahacca. Ideja hetaj zaviedama prajhranaj niaroŭnaj baraćby ŭ Tbilisi była nie vielmi pryvabnaja dla ruskich», — dadaŭ jon.
Ciapier čytajuć
Polski dypłamat raskazaŭ, jak pryvoziŭ Kolu multfilmy na dyskach i kim dla siamji Łukašenkaŭ byŭ Makiej8
Kamientary