Termin biaźvizavaha znachodžańnia ŭ Biełarusi niečakana pavialičyli da 30 dzion
Zamiežniki zmohuć znachodzicca ŭ Biełarusi 30 sutak, a nie 5 sutak, jak było raniej. Heta mahčymaść pa-raniejšamu dziejničaje, tolki kali jany prylatajuć u Minsk-2 i vylatajuć adtul ža.
Pavieličeńnie terminu biaźvizu da 30 dzion źjaŭlajecca niečakanym krokam, pakolki raniej havorka išła pra pavieličeńnie terminu tolki da 10 dzion.
Čytajcie taksama: Biaźviz dla tych, chto prylataje ŭ minski aeraport, źbirajucca pavialičyć da 10 dzion da kanca hoda
Ad zamiežnikaŭ patrabujecca mieć pry sabie pryblizna pa $25 na kožny dzień znachodžańnia ŭ Biełarusi, a taksama strachoŭku.
Biaźvizavaja schiema nie pracuje dla tych, chto prylataje z Rasii ci źbirajecca vyjazdžać praz Rasiju, bo hetyja rejsy źjaŭlajucca ŭnutranymi i ŭ pasažyraŭ nie praviarajuć pašparty.
Praŭda, tym, chto znachodzicca ŭ Biełarusi bolš za piać sutak, usio ž daviadziecca zarehistravacca ŭ milicyi. Kali ž spyniacca ŭ hatelach, administracyja zrobić praceduru sama.
Kamientary