U Kurapatach u niadzielu a 19-j hadzinie adbudziecca supolnaja malitva
U Kurapatach 29 čysła kožnaha miesiaca tradycyjna prachodziać akcyi pa ŭšanavańni pamiaci achviaraŭ palityčnych represij. 29 lipienia zbor a 18-j kala kamienia na Kurapackaj Hałhofie. A 19-j hadzinie — supolnaja malitva.
Pra heta paviedamiŭ Svabodzie kiraŭnik Ruchu salidarnaści «Razam!» Viačasłaŭ Siŭčyk.
«Dahetul sumnaja data — Dzień ušanavańnia pamiaci achviaraŭ palityčnych represij — adsutničaje ŭ dziaržaŭnym kalendary. Dahetul nie asudžanyja tyja, chto ažyćciaŭlaŭ masavyja zabojstvy, chto addavaŭ zahady, chto padvodziŭ idealahičnuju bazu i maralna apraŭdvaŭ hienacyd. Dahetul bluźniery i ŭłady, što ich pakryvajuć, dazvalajuć taptańnie nacyjanalnaj biełaruskaj śviatyni. Tamu zaprašajem usich nieabyjakavych na supolnuju malitvu 29 lipienia ŭviečary ŭ Kurapaty», — paviedamiŭ spadar Siŭčyk.
Kamientary