Prezident ZŠA Donald Tramp mieŭ namier prynieści prezidenckuju prysiahu na knizie pra biznes ułasnaha sačynieńnia. Pra heta, jak piša Lenta.ru, paviedamlaje Slate.
Vydańnie spasyłajecca na knihu byłoj supracoŭnicy Biełaha doma Amarosy Manihołt-Ńjuman (Omarosa Manigault Newman). Jana zajmała pasadu dyrektara pa kamunikacyjach kiraŭnictva Biełaha doma pa suviaziach z hramadskimi arhanizacyjami i nasielnictvam.
Pavodle ŭspaminaŭ Manihołt-Ńjuman, pierad inaŭhuracyjaj Tramp zachacieŭ zamianić knihu, na jakoj kiraŭnik dziaržavy klaniecca abaraniać intaresy svajoj krainy. «Jon spytaŭ mianie: «Amarosa, što ty dumaješ, kali ja pryniasu prysiahu na «Mastactvie ździełki»? — piša byłaja supracoŭnica aparata. Žančyna pierapytała jaho, niaŭžo jon sabraŭsia zamianić ułasnaj knihaj Bibliju, na što Tramp adkazaŭ stanoŭča. «Mastactva ździełki» — bestseler!» — skazaŭ jon.
Sa słoŭ aŭtara knihi, takim čynam Tramp płanavaŭ pavialičyć prodaž svajoj knihi, a taksama atrymać artefakt ŭ vyhladzie «pamiatnaj inaŭhuracyjnaj kopii». U vyniku Tramp skončyŭ dyjałoh žartam, ale Manihołt-Ńjuman ŭpeŭnienaja, što nasamreč jon mieŭ namier takoje zrabić.
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary