Ministr suviazi: Abmiežavańni mabilnaha internetu zakranuć 1,7 miljona biełarusaŭ
U Ministerstvie suviazi i infarmatyzacyi zajavili, što novyja limity na mabilny internet zakranuć nie ŭsich, a tolki mienš za 15% abanientaŭ. Pra heta raskazaŭ ministr Kirył Zaleski.
Pavodle słoŭ Kiryła Zaleskaha, bieźlimitnyja taryfy jak takija nie admianiajucca. Pastanova №38 źjaŭlajecca častkaj sistemnaj pracy pa palapšeńni jakaści mabilnaj suviazi ŭ Biełarusi. Dakumient uvodzić abmiežavańnie na abjom trafiku, jaki možna vykarystoŭvać na bieźlimitnaj chutkaści: jon składzie 30 hihabajtaŭ u miesiac. Paśla dasiahnieńnia hetaha parohu chutkaść źnizicca da 1 Mbit/s.
Jak padkreśliŭ ministr, hetyja źmieny zakranuć tolki nievialikuju častku karystalnikaŭ — tych, chto spažyvaje vielmi vialikija abjomy trafiku. U siarednim ža adzin abanient u Biełarusi vykarystoŭvaje kala 16 Hb u miesiac. Tamu dla bolšaści ludziej novyja praviły zastanucca niezaŭvažnymi.
U viedamstvie ličać, što takija miery dapamohuć razhruzić mabilnyja sietki i zabiaśpiečyć stabilny i chutki dostup u internet dla ŭsich abanientaŭ. Ministr taksama adznačyŭ, što kali chtości rehularna vykarystoŭvaje 40—60 Hb trafiku za miesiac, varta zadumacca pra charaktar takoha kantentu.
Akramia taho, Kirył Zaleski źviarnuŭ uvahu, što košt mabilnaj suviazi i internetu ŭ Biełarusi zastajecca nizkim u paraŭnańni ź inšymi krainami. Za miažoj bieźlimitny internet časta kaštuje $50—70 u miesiac, u toj čas jak u Biełarusi — kala 20—40 rubloŭ. Jon taksama padkreśliŭ, što z 2022 hoda taryfy na bieźlimitnyja płany nie pavyšalisia i ich rost nie płanujecca ŭ 2026 hodzie.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary
Pytańnie ŭ inšym - a navošta ŭvodzić takija abmiežavańni na dziaržaŭnym uzroŭni? Heta sprava nie dziaržavy, ale apierataraŭ. Niešta tut hłyboka nia toje. Mo apieratary nie spraŭlajucca z łahavańniem pakietaŭ (a jany ž pa zakonie abaviazanyja zapisvać kožny čych karystalnika, kudy-kali-kolki bajt adasłana), tamu vyrašyli choć krychu abmiežavać.