Siaredni zarobak u nastupnym hodzie prahnazujecca na ŭzroŭni 1025 rubloŭ. Takaja ličba zakładziena ŭ prajekcie prahnozu sacyjalna-ekanamičnaha raźvićcia Biełarusi na 2019 hod. Pra heta ŭ intervju prahramie «Tydzień» na telekanale STB raspavioŭ ministr ekanomiki Dźmitryj Kruty.
«Realnyja hrašovyja dachody pavialičacca na 3,4%, jany buduć całkam ŭviazanyja z rostam pradukcyjnaści pracy. Siaredni zarobak prahnazujecca na ŭzroŭni 1025 rubloŭ. Zarpłata rabotnikaŭ biudžetnych arhanizacyj budzie składać 80% ad siaredniaj pa krainie (820 rubloŭ — «NN»). Heta taja važnaja makraekanamičnaja praporcyja, pra jakuju časta havoryć prezident, urad. My ŭ prahnoznych dakumientach jaje vytrymlivajem. I suadnosiny piensii da zarabotnaj płaty buduć na ŭzroŭni 40%. Heta značyć, my dasiahajem hetaha paramietru i na praciahu 2019 hodu płanujem jaho vytrymlivać», — zajaviŭ ministr.
Kamientary