27 žniŭnia, u niadzielu, vilejskim vyratavalnikam patelefanavali z turystyčnaha kompleksu «Kvietki jabłyni». Paviedamili, što zdaryłasia ŭzharańnie na haryščy ŭ adnym z haspadarčych budynkaŭ, piša Rehijanalnaja hazieta.
Akazałasia, što supracoŭniki vyrašyli patrucić nasiakomych z dapamohaj srodka «Muchajar».
— Srodak ujaŭlaje saboj blašanku ad kansiervy z knotam, jaki treba zapalvać, — raspavioŭ inžynier hrupy nahladu i ahitacyi Vilejskaha HRANS Alaksandr Kazakievič. — Blašanku pastavili na strapiły, zapalili knot, i ahoń niaznačna paškodziŭ strapilnuju sistemu na haryščy.
Jak raspaviali ŭ HRANS, supracoŭniki turystyčnaha kompleksa chutka zaŭvažyli, što z haryšča idzie nie taki, jak treba, dym. Pačali tušyć uzharańnie samastojna i vyklikali HRANS.
Kali śpiecyjalisty pryjechali, supracoŭniki ŭžo patušyli pažar, ale vyratavalniki taksama zalili miesca ŭzharańnia.
— Piersanał turystyčnaha kompleksu zrabiŭ usio pravilna, kab papiaredzić pažar, — kaža Alaksandr Kazakievič. — Tamu ŭronu arhanizacyi hety incydent nie nanios.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy26
Kamientary