U Minsku zładziać adkrytyja ŭroki pa seksałohii i dohladzie novanarodžanych dla tataŭ
Padobnuju inicyjatyvu zładziać arhanizatary prajekta «TataPro», jaki staŭ łahičnym praciaham respublikanskaha kanhresa «Mama Pro» — pieršaj afłajn- i anłajn placoŭki dla ŭzajemadziejańnia budučych i siońniašnich baćkoŭ ź viadučymi śpiecyjalistami śfier achovy zdaroŭja, sacyjalnaj abarony, adukacyi.
Prama pasiaredzinie handlovaha centra «Halereja» taty siaduć za party, a pavierchi pieratvoracca ŭ typovyja kvaternyja pakoi: u dziciačym navučać dahladać novanarodžanych, na kuchni — hatavać karysnyja śniadanki. Śpiecyjalna dla baćkoŭ adkryjuć haraž, dzie raskažuć pra biaśpieku małoha ŭ mašynie i na rovary, a taksama padčas pieralotaŭ. U spalni abmiarkujuć płanavańnie ciažarnaści i pytańni sieksałohii.
«Ekskluziŭny prajekt «PapaPro» arhanična dapoŭnić namahańni pavialičyć uklučanaść tataŭ u raźvićcio i vychavańnie dziaciej, — raspaviała Maryna Arciomienka, namieśnik načalnika ŭpraŭleńnia narodanasielnictva, hiendarnaj i siamiejnaj palityki Ministerstva pracy i sacyjalnaj abarony Biełarusi. — U 2015 hodzie pravodzili daśledavańnie pra raźmierkavańnie hiendarnych rolaŭ u siamji. Biełaruskija žančyny ź dziećmi da 10 hadoŭ u dva z pałovaj razu bolš, čym mužčyny, vydatkoŭvajuć čas na viadzieńnie haspadarki i dohlad dziaciej! A dla zdaroŭja i dabrabytu dziciaci važna, kab u jaho vychavańni ŭ roŭnaj stupieni brali ŭdzieł i mama, i tata».
Akramia hetaha, stvaralniki prajekta pracujuć nad tym, kab u Biełarusi źjavilisia śpiecyjalnyja nabory dla maci i dziaciej, jakija buduć uručać pry vypiscy z radzilni: pačnuć takuju praktyku ź minskich balnic. U hety momant pravodzicca apytańnie baćkoŭ nakont taho, što b jany chacieli znajści ŭ hetych naborach.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii33
Kamientary