Štraf pamieram 30 bazavych vieličyń (735 rubloŭ) atrymaŭ u Mienskim rajonnym sudzie abaronca Kurapataŭ Dzianis Urbanovič. Sud pakaraŭ aktyvista za ŭdzieł u pikiecie la restaracyi «Pojediem pojedim» 1 vieraśnia, kali Ŭrbanovič atrymaŭ traŭmu nahi ŭ sutyčcy ź biznesmenam Arkadziem Izrailevičam, piša Radyjo Svaboda.
Paśla sutyčki Dzianis Urbanovič napisaŭ u milicyju zajavu na Izraileviča, abvinavaciŭšy biznesoŭca ŭ źbićci, a taksama źbiraŭsia padać zajavu ŭ sud, ale nie paśpieŭ.
Urbanoviča zatrymali milicyjanty, i sud Mienskaha rajonu prysudziŭ jamu 7 sutak administracyjnaha aryštu za niepadparadkavańnie. U subotu 8 vieraśnia, kali termin aryštu zakončyŭsia, aktyvista vyvieli ź izalataru na Akreścina praz zapasny ŭvachod i znoŭ zatrymali — užo pavodle abvinavačańnia va ŭdziele ŭ niesankcyjanavanaj akcyi.
«Sud siońnia byŭ chutki, ja čakaŭ novaha aryštu, hetaha čakali i milicyjanty na Akreścina. Dobra, što sud abmiežavaŭsia štrafam», — skazaŭ Svabodzie paśla sudu Urbanovič.
Atrymałasia, što ŭsiaho Urbanovič adbyŭ za kratami ŭ izalatary na Akreścina 9 sutak.
«Daviałosia pisać skarhi, bo ŭmovy byli antysanitarnyja, navat admaŭlaŭsia praz heta ad ježy. Tolki kali pieraviali ŭ inšuju kameru i stała lepiej, dyk pačaŭ jeści. Zatoje damohsia, kab vyvodzili na prahułki, taksama daviałosia zmahacca», — raskazaŭ Dzianis Urbanovič.
Aktyvist vitaŭ rašeńnie abaroncaŭ Kurapataŭ, jakija 9 vieraśnia na ahulnym schodzie pastanavili praciahvać pikietavańnie restaracyi «Pojediem pojedim» minimum da vosieńskich Dziadoŭ.
«Ja i dalej budu brać udzieł u pikietach. Hańba nam usim budzie, kali sastupim», — skazaŭ Dzianis Urbanovič.
Chto taki abaronca Kurapataŭ Dzianis Urbanovič?
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary