U Ministerstvie adukacyi raskazali, jakim prafiesijam buduć navučacca staršakłaśniki na ŭrokach pracy
U Biełarusi vyznačany pieralik prafiesij rabočych (słužačych), pa jakich buduć navučacca staršakłaśniki na ŭrokach pracy.
Śpis prafiesij rabočych uklučaje 86 pazicyj. Siarod ich bietonščyk (treci razrad), vizažyst (čaćviorty razrad), viazalščyca (druhi razrad), hančar (treci razrad), kasir handlovaj zały (čaćviorty razrad), kandytar (druhi razrad), malar (druhi razrad), aficyjant (treci razrad), stalar (druhi razrad), švačka (druhi razrad).
Prafiesij słužačych 8: ahient, ahient pa turyźmie, ahient rekłamny, spravavod, mašynistka, pamočnik vychavaciela, sakratar i sacyjalny rabotnik.
Z novaha navučalnaha hoda ŭ 10-ch kłasach źjavilisia ŭroki pracy, na jakich staršakłaśniki stali atrymlivać prafiesijnyja navyki, asvojvajučy adukacyjnuju prahramu prafpadrychtoŭki rabočych (słužačych) u abjomie 6 hadzin u tydzień. Raniej vyvučeńnie pradmieta «Pracoŭnaje navučańnie» zaviaršałasia ŭ 9-m kłasie.
Kamientary